హైదరాబాద్, సెప్టెంబర్ 11: ఓటుకు నోటు కేసులో నిందితుడైన సెబాస్టియన్‌పై మరో కేసు నమోదైంది. మహిళ పట్ల అసభ్యంగా ప్రవర్తించాడని ఎస్‌ఆర్ నగర్ పోలీస్‌స్టేషన్‌లో ఆదివారం పోలీసులు కేసు నమోదు చేశారు. నగరశివారులోని ఏజి కాలనీ సమీపంలోని వికాస్‌పురి కాలనీకి చెందిన ఫిలిప్స్ అనే వ్యక్తి ఇంట్లో సెబాస్టియన్ 2002 నుంచి అద్దెకు ఉంటున్నారు. కాగా ఇంటి యజమానికి, సెబాస్టియన్‌కు మధ్య గత కొంతకాలంగా వివాదం నడుస్తోంది.

హైదరాబాద్, సెప్టెంబర్ 12: ప్రతిపక్షనేత, వైసీపీ అధినేత వైఎస్ జగన్మోహన్‌రెడ్డిని అన్ని వైపులా దెబ్బతీయడమే లక్ష్యంగా అడుగులు వేస్తున్న తెదేపా అధినేత చంద్రబాబునాయుడు ఇప్పుడు ఆ సామాజికవర్గం వైపు కనే్నశారు. జగన్‌కు సంప్రదాయ మద్దతుదారుగా ఉన్న రెడ్డి సామాజికవర్గాన్ని దరి చేర్చుకోవడం ద్వారా, వైసీపీని దెబ్బతీసే లక్ష్యంతో వ్యూహాలకు పదునుపెడుతున్నారు.

హైదరాబాద్, సెప్టెంబర్ 11: రాష్ట్రానికి ప్రత్యేక హోదా కాని, ప్యాకేజీ కాని రాలేదని పబ్లిక్ అకౌంట్స్ చైర్మన్, వైకాపా ఎమ్మెల్యే బుగ్గన రాజేంద్రనాథ్ రెడ్డి అన్నారు. ఆదివారం ఇక్కడ లోటస్‌పాండ్‌లో విలేఖర్ల సమావేశంలో మాట్లాడుతూ, ఈశాన్య రాష్ట్రాలు, హిమాచల్ ప్రదేశ్ లాంటి రాష్ట్రాల్లో ప్రత్యేక హోదా ఉన్నా అక్కడేం అభివృద్ధి జరిగిందని చంద్రబాబు అనడంపై ఆశ్చర్యం వ్యక్తం చేశారు.

విశాఖపట్నం, సెప్టెంబర్ 11: రాష్ట్రానికి ప్రత్యేక హోదా విషయంలో మాటమార్చిన బిజెపి, అందుకు వంత పాడుతున్న తెలుగుదేశం ప్రభుత్వాలకు ఎపి ప్రజలు గోరీ కడతారని సిపిఎం పొలిట్‌బ్యూరో సభ్యుడు బివి రాఘవులు విమర్శించారు. విశాఖలో ఆదివారం ఆయన విలేఖరులతో మాట్లాడుతూ విభజన సందర్భంగా ప్రత్యేక హోదా అంశాన్ని తెరపైకి తెచ్చిన బిజెపి తీరా ఇప్పుడు ప్యాకేజీ ఇచ్చి చేతులు దులుపుకోవడం దారుణమన్నారు.