హైదరాబాద్, నవంబర్ 7: విశాఖపట్నం జిల్లా భీమునిపట్నంలో సబ్ రిజిస్ట్రార్‌గా పనిచేస్తున్న సంజీవయ్యకు చెందిన హైదరాబాద్‌లోని ఆస్తులపై అవినీతి నిరోధక శాఖ అధికారులు సోమవారం సోదాలు నిర్వహించారు. ఆదాయానికి మించి మొత్తం రూ. 3 కోట్లకు పైగా ఆస్తులను గుర్తించారు. సబ్ రిజిస్ట్రార్ సంజీవయ్య ప్రస్తుతం విజయవాడలోని ఐజీఆర్‌ఎస్ స్టాంప్స్‌లో డిప్యూటేషన్‌పై పనిచేస్తున్నారు.

నాగార్జున యూనివర్శిటీ, నవంబర్ 7: రాష్ట్రంలో ఉన్నత విద్యారంగాన్ని మరింత బలోపేతం చేసేందుకు రానున్న రోజుల్లో కీలక చర్యలు చేపట్టనున్నట్లు రాష్ట్ర ఉన్నత విద్యామండలి ప్రిన్సిపల్ సెక్రటరీ సుమితా దావ్రా తెలిపారు. సోమవారం గుంటూరుకు సమీపంలోని ఆచార్య నాగార్జున యూనివర్సిటీలో జరిగిన విశ్వవిద్యాలయాల ఉప కులపతుల సమావేశంలో ఆమె ముఖ్యఅతిథిగా మాట్లాడారు.

హైదరాబాద్, నవంబర్ 7: దిల్‌సుఖ్‌నగర్ జంట పేలుళ్ల కేసులో 21 మంది నిందితులకు శిక్షలు ఖరారు కానున్నాయి. ఇందుకు సంబంధించిన వాదనలు చర్లపల్లి జైలులోని ఎన్‌ఐఎ కోర్టులో ఇప్పటికే పూర్తయ్యాయి. ఎ-1 అసదుల్లాహ అక్తర్, ఎ-2 యాసిన్ భత్కల్, ఎ-3 తహసిన్ అక్తర్, ఎ-4 జియావుర్ రెహ్మన్ (పాక్), ఎ-5 ఐజాజ్ షేక్ సహా 157మంది ఇతర సాక్షులను కోర్టు విచారించింది.

విశాఖపట్నం, నవంబర్ 6: విశాఖ సాగరతీరంలో తూర్పునౌకాదళం ఆధ్వర్యంలో ఆదివారం నిర్వహించిన నేవీ మారథాన్ ఉత్సాహంగా జరిగింది. తూర్పు నౌకాదళ ప్రధాన అధికారి హరీష్‌చంద్ర సింగ్ బిస్ట్, వైస్-అడ్మిరల్ ఏకె జైన్ పాల్గొని కార్యక్రమాన్ని జెండా ఊపి ప్రారంభించారు. ఈ మారథాన్‌లో 10కెఎం, 5కెఎంలతోపాటు 42 కిలోమీటర్లు, 21 కిలోమీటర్ల పోటీలను నిర్వహించారు.