శ్రీశైలం, నవంబర్ 7: శ్రీశైల మహాక్షేత్రంలో కార్తీక రెండవ సోమవారం, కోటి సోమవారాన్ని రాన్ని పురస్కరించుకుని లక్ష దీపార్చన నిర్వహించారు. దేవస్థానం ఆధ్వర్యంలో స్వామి, అమ్మవార్లకు ఎంతో విశేషంగా లక్ష దీపార్చన కార్యక్రమాన్ని ఆలయ అర్చక వేదపండితులు ఇవో సమక్షంలో కన్నులపండువగా నిర్వహించారు. సాయంత్రం ఆలయ ప్రాంగణంలోని నాగులకట్ట ఉసిరి చెట్లవద్ద లక్ష దీపార్చన కార్యక్రమాన్ని నిర్వహించారు.

కర్నూలు, నవంబర్ 7: ఇ-యంత్రం ద్వారా రేషన్ బియ్యం స్వాహా చేస్తున్న ముగ్గురు రేషన్ డీలర్లు, మరో ముగ్గురు కంప్యూటర్ ఆపరేటర్లను అరెస్టు చేసినట్లు కర్నూలు జిల్లా ఎస్పీ ఆకే.రవికృష్ణ తెలిపారు. రాష్ట్ర వ్యాప్తంగా ఈ తరహా అక్రమాలు జరిగిన 19 రేషన్ షాపులను గుర్తించినట్లు ఆయన పేర్కొన్నారు.

విజయవాడ, నవంబర్ 7: తూర్పు, పశ్చిమ గోదావరి జిల్లాల్లోని రైతులకు రబీలో పంటలు వేసుకునేందుకు అనుమతి ఇచ్చామని రాష్ట్ర జలవనరుల శాఖ మంత్రి దేవినేని ఉమామహేశ్వరరావు తెలిపారు. తన కార్యాలయంలో సోమవారం మాట్లాడుతూ ఈమేరకు రైతులకు సాగునీరు అందిస్తామని చెప్పారు. వర్షాలు కురవకపోయినా ముఖ్యమంత్రి చంద్రబాబు దూరదృష్టి వల్ల రైతులకు సాగునీటి ఇబ్బందులు రాకుండా చర్యలు తీసుకోగలిగామన్నారు.

శ్రీకాకుళం, నవంబర్ 7: గత ఇరవై రెండేళ్ల నుంచి బిసిల జాబితాల్లో చేర్చమంటూ బిసి-బి, సి, డి కేటగిరీలు కమిషన్ వద్ద చేసుకున్న దరఖాస్తులు పెండింగ్‌లో ఉన్నాయని, చట్టాలకు లోబడే కమిషన్ ఉంటుందని, ఆ మేరకే పనిచేస్తుందంటూ రాష్ట్ర వెనుకబడిన తరగతుల కమిషన్ చైర్మన్ కెఎల్ మంజునాథ్ పేర్కొన్నారు. సోమవారం జిల్లాలో బిసి కులాలతో నిర్వహించిన బహిరంగ విచారణ అనంతరం ఆయన మీడియాతో మాట్లాడారు.