విశాఖపట్నం, జనవరి 19: భారత దేశ రక్షణపటంలో ఇక విశాఖది నిరుపమానస్థానమే. ప్రభుత్వ ప్రయివేట్ భాగస్వామ్యంతో అంకురించనున్న అనేక రక్షణ ప్రాజెక్టులు విశాఖకు వ్యూహాత్మక ప్రాధాన్యత కల్పించబోతున్నాయి. నౌకాశక్తికి తిరుగులేనికోటగా, రక్షణ పాటవానికి మేటిగా విశాఖ విరాజిల్లనుంది. ఇప్పటికే దేశ రక్షణ రంగాన్ని మరింత పటిష్ఠ పరిచేందుకు కేంద్రం సత్వర చర్యలు తీసుకుంటోంది.

హైదరాబాద్: తెలంగాణ ముఖ్యమంత్రి కె.చంద్రశేఖరరావు మంగళవారం హైదర్ గూడలో బట్టలు కొనుగోలు చేశారు. హైదర్ గూడలోని సాయిఖాదీ భండార్ లో ఆయన వస్త్రాలు కొనుగోలు చేసి... కుట్టేందుకు కొలతలు ఇచ్చారు. ఈ సందర్భంగా కేసీఆర్ మాట్లాడుతూ... తాను 1990 నుంచి అదే షాపులో బట్టలు కొనుగోలు చేస్తున్నట్లు తెలిపారు. కాగా ముఖ్యమంత్రి అయిన తర్వాత ఆయన తొలిసారిగా షాపింగ్ చేశారు.

హైదరాబాద్‌: ఆంధ్రప్రదేశ్‌లో సంచలనం సృష్టించిన కాల్‌మనీ కేసులో ముగ్గురు నిందితులకు బెయిల్‌ మంజూరైంది. యలమంచిలి రాము, భవానీ శంకర్‌, దూడల రాజేశ్‌లకు విజయవాడ మహిళా సెషన్స్‌ కోర్టు షరతులతో కూడిన బెయిల్‌ మంజూరు చేసింది.

హైదరాబాద్: ఆత్మహత్య చేసుకున్న హెచ్ సీయూ విద్యార్థి వేముల రోహిత్ మృతిపై విచారణ జరిపించాలని మానవ హక్కుల కమిషన్(హెచ్ఆర్సీ)లో పిటిషన్ దాఖలైంది. తెలంగాణ ఎస్సీ కమిషన్ చైర్మన్ పిడమర్తి రవి హెచ్ఆర్సీలో మంగళవారం పిటిషన్ దాఖలు చేశారు. ఆయన దాఖలు చేసిన పిటిషన్ పై హెచ్ఆర్సీ స్పందించింది.