ఆంధ్ర ప్రదేశ్ ముఖ్య మంత్రి నారా చంద్రబాబు నాయుడు లండన్ నుంచి ఆదివారం డిల్లీకి తిరిగి వచ్చారు. ఆయన ఈ రోజు సాయంత్రం యమునా తీరంలో జరుగుతున్న సాంస్కృతిక ఉత్సవంలో పాల్గొనే అవకాశం వుంది.

జల్‌పాయ్‌గురి: పశ్చిమ్‌ బెంగాల్లోని జల్‌పాయ్‌గురి ప్రాంతంలో శనివారం అర్ధరాత్రి స్వల్ప భూప్రకంపనలు సంభవించాయి. భూకంప తీవ్రత రిక్టర్ స్కేలుపై 3.8గా నమోదైంది. భయాందోళనతో ప్రజలు ఇళ్ల నుంచి బయటికి పరుగులు తీశారు. ఎలాంటి ప్రాణ,ఆస్తి నష్టం సంభవించలేదని అధికారులు పేర్కొన్నారు.

న్యూఢిల్లీ, మార్చి 12: దేశవ్యాప్తంగా గ్రామీణ స్థాయిలో తయారైన వివిధ నూతన ఆవిష్కరణలను రాష్టప్రతి భవన్‌లో ‘ఇన్నోవేషన్ ఫెస్టివల్’ పేరుతో ఏర్పాటు చేసిన సైన్స్ ఎగ్జిబిషన్‌లో శనివారం రాష్టప్రతి ప్రణబ్ ముఖర్జీ ప్రారంభించారు. ఈ ప్రారంభోత్సవ కార్యక్రమానికి కేంద్రమంత్రులు హర్షవర్ధన్, నజ్మాహెప్తుల్లా, ఉన్నతాధికారులు హాజరయ్యారు. 65 నూతన ఆవిష్కరణలను ఈ ఎగ్జిబిషన్‌లో విద్యార్థులు ప్రదర్శించారు.

న్యూఢిల్లీ, మార్చి 12: నాన్ ఇమ్మిగ్రెంట్స్ హెచ్1బి వీసాలు రద్దుచేయాలంటూ రిపబ్లికన్ పార్టీ అభ్యర్థి డోనాల్డ్ ట్రంప్ చేసిన వ్యాఖ్యలపై భారత్ స్పందించింది. అమెరికా ప్రజలకు ఉద్యోగ అవకాశాలను హెచ్1బి వీసాలే దెబ్బతీస్తున్నాయని ఆయన ఎన్నికల చర్చ సందర్భంగా స్పష్టం చేశారు. అమెరికా అధ్యక్ష పదవికి రిపబ్లికన్ పార్టీ తరఫున రేసులో ఉన్న ట్రంప్ చేస్తున్న ప్రసంగాలు వివాదాస్పదమవుతున్నాయి.