న్యూఢిల్లీ,జూలై 26: జిఎస్‌టి బిల్లుకు సంబంధించి రాష్ట్రాలు చేసిన అభ్యంతరాలను నివృత్తి చేయడంలో కేంద్రం విఫలమైందని ఏపీ ఆర్థికమంత్రి యనమల రామకృష్ణుడు అన్నారు. మంగళవారం విజ్ఞన్‌భవన్‌లో ఆర్థికమంత్రి అరుణ్ జైట్లీ సారథ్యంలో జరిగిన సాధికరిక కమిటీ సమావేశంలో యనమల మాట్లాడారు. ఈ బిల్లుపై రాష్ట్రాలు వ్యక్తం చేసిన ఆందోళనలకు కేంద్రం పరిష్కారాన్ని అందించలేదన్నారు.

న్యూఢిల్లీ, జూలై 26: పధ్నాలుగేళ్లలోపు వయసు పిల్లల్ని పనిలో పెట్టుకోవడాన్ని నిషేధిస్తూ పార్లమెంట్ మంగళవారం కీలక బిల్లును ఆమోదించింది. ఈ నిబంధన ఉల్లంఘించిన యాజమాన్యాలకు రెండేళ్ల జైలు శిక్ష విధించేందుకు, ఆ పిల్లల తల్లిదండ్రులపైనా జరిమానా విధించేందుకు ఈ బిల్లు వీలు కల్పిస్తోంది.

ఇంఫాల్, జూలై 26: ప్రముఖ మానవ హక్కుల కార్యకర్త, మణిపూర్ ఉక్కు మహిళ ఇరోమ్ చాను షర్మిల(44) తన 16 సంవత్సరాల సుదీర్ఘ నిరాహార దీక్షను విరమించటానికి నిర్ణయించుకున్నారు. ఆత్మహత్యాయత్నం కేసులో జైలులో ఉన్న ఆగస్టు 9న దీక్ష విరమించటానికి నిర్ణయించుకున్నట్లు స్థానిక కోర్టులో హాజరవటానికి మంగళవారం వచ్చిన సందర్భంగా తెలిపారు. ‘నేను దీక్ష విరమిస్తాను. రాజకీయాల్లో చేరుతున్నాను.

దిల్లీ: ఎపికి ప్రత్యేకహోదా కోసం తమ పార్టీ ఎంపీ కెవిపి రామచంద్రరావు ప్రవేశపెట్టిన ప్రైవేటుబిల్లును చర్చించాల్సిందేనని రాజ్యసభలో మంగళవారం నాడు కాంగ్రెస్ సభ్యులు పట్టుబట్టారు. వెల్‌లోకి వెళ్లి ప్లకార్డులు పట్టుకుని ఆందోళన ప్రారంభించడంతో సభలో గందరగోళం మొదలైంది. వచ్చే శుక్రవారం ఈ బిల్లుపై చర్చిద్దామని డిప్యూటీ చైర్మన్ కురియన్ చెప్పినప్పటికీ కాంగ్రెస్ సభ్యులు వినిపించుకోలేదు.