రామ్‌చరణ్ ఎన్నో ఆశలు పెట్టుకున్న ‘బ్రూస్‌లీ’ చిత్రం అనుకున్న స్థాయి విజయం సాధించకపోవడంతో మంచి విజయాన్ని కొట్టాలనే కసితో వున్నాడు రామ్‌చరణ్. ప్రస్తుతం ఆయన హీరోగా రూపొందే సినిమాకు ప్రీ ప్రొడక్షన్ పనులు పూర్తయ్యాయి. తమిళ హిట్ సినిమా ‘తనిఒరువన్’కు రీమేక్‌గా రూపొందే ఈ చిత్రానికి సురేందర్ రెడ్డి దర్శకత్వం వహిస్తాడు. ఈ సినిమాతోపాటు మరో రెండు మూడు సినిమాలు చేయడానికి రెడీ అవుతున్నాడు చరణ్.

ఈ సంక్రాంతి పండక్కి సోగ్గాడిగా అలరించిన ప్రముఖ నటుడు అక్కినేని నాగార్జున తన తదుపరి చిత్రం కోసం ప్రయత్నాలు ముమ్మరం చేశాడు. ఈసారి మళ్లీ భక్తి సినిమాలో నటించేందుకు సన్నాహాలు జరుగుతున్నాయి. ఇప్పటికే రాఘవేంద్రరావు దర్శకత్వంలో ఆయన నటించిన ‘అన్నమయ్య’, ‘శ్రీరామదాసు’, ‘షిరిడీ సాయి’ చిత్రాలు మంచి విజయాన్ని సాధించడంతో ఇప్పుడు మరో భక్తి సినిమాను తెరకెక్కించేందుకు దర్శకేంద్రుడు సమాయత్తమవుతున్నాడు.

సంగీత దర్శకుడు జి.వి.ప్రకాష్ హీరోగా ఆనంది హీరోయిన్‌గా శ్యామ్ ఆంటోనీ దర్శకత్వంలో లైకా ప్రొడక్షన్స్ పతాకంపై రూపొందుతున్న చిత్రాన్ని తెలుగులో ‘నాకు ఇంకో పేరు వుంది’ అనే టైటిల్‌తో విడుదల చేస్తున్నారు. తమిళంలో ‘ఎనక్కు ఇన్నోరు పేరు ఇరుక్కు’ అనే టైటిల్‌తో రూపొందుతోంది.

ఈ మధ్య సినిమాలపై బాగా దృష్టిపెట్టింది అందాల భామ త్రిష. దశాబ్దకాలంపాటు గ్లామర్ భామగా సౌత్‌లో హవా సృష్టించిన ఈమెకు ఈమధ్య కాస్త కెరీర్ డల్ అయింది. మళ్లీ రీ ఎంట్రీ ఇస్తూ సెలక్టివ్ పాత్రల్లో నటిస్తూ ఆకట్టుకుంటోంది. ఇప్పటికే పలు విభిన్నమైన చిత్రాల్లో నటిస్తున్న త్రిష ఈసారి పొలిటికల్ లీడర్‌గా నటిస్తోంది. తమిళనాట రాజకీయాల్లో చక్రం తిప్పిన మహిళా నేతగా కనిపిస్తుందని తెలిసింది.