మైలవరం, మార్చి 29: ఆంధ్రప్రదేశ్, తెలంగాణ రాష్ట్రాల్లో పలు దొంగతనాలకు పాల్పడి జైలు జీవితం గడిపిన అంతరాష్ట్ర దొంగను పోలీసులు ఎట్టకేలకు పట్టుకున్నవైనమిది. సుమారు నాలుగేళ్ళ క్రితం జరిగిన దొంగతనం కేసులో ఆధారాలు లభించక మూసివేసిన కేసును సైతం తిరగదోడి దొంగను పట్టుకుని అప్పట్లో చోరీ చేసిన సొత్తును రికవరీ చేసిన మైలవరం పోలీసులకు జిల్లా పోలీసులతోపాటు ప్రజలు అభినందనలు తెలుపుతున్నారు.

వరంగల్, మార్చి 29: వరంగల్ అర్బన్ జిల్లా చింతల్ బ్రిడ్జి సమీపంలోని రైల్వే ఓవర్ బ్రిడ్జి వద్ద రైలు కింద పడి నలుగురు వ్యక్తులు ఆత్మహత్య చేసుకున్నారు. ఈ సంఘటన గురువారం జరిగింది. అందులో ఒకే కుటుంబానికి చెందిన వారు ముగ్గురు ఉండగా, అదే ప్రాంతంలో మరో కుటుంబానికి చెందిన వ్యక్తి రైలు కింద పడి ఆత్మహత్య చేసుకున్నాడు.

అనంతపురం, మార్చి 29: అనంతపురం జిల్లా కలెక్టర్ జీ.వీరపాండ్యన్‌కు రెండు నెలల జైలుశిక్ష, రూ.2 వేలు జరిమానా విధిస్తూ హైకోర్టు గురువారం తీర్చు చెప్పింది. వీరపాండ్యన్ గతంలో విజయవాడ కమిషనర్‌గా పనిచేసినపుడు పుష్కరఘాట్ నిర్మాణ సమయంలో ఆక్రమణలను తొలగించే ప్రక్రియ చేపట్టారు. ఆ సందర్భంగా ఇద్దరు బాధితులు హైకోర్టును ఆశ్రయించారు. పిటిషనర్ల ఫిర్యాదు మేరకు ఆక్రమణల తొలగింపును నిలిపివేయాలని హైకోర్టు ఆదేశించింది.

గోరంట్ల, మార్చి 29 : మండల పరిధిలోని పులగూర్లపల్లి వద్ద జరిగిన రోడ్డు ప్రమాదంలో ఓ వృద్ధురాలు మృతి చెందినట్లు సీఐ రవికుమార్ తెలిపారు. పులగూర్లపల్లికి చెందిన హుసేనమ్మ (68) జాతీయ రహదారి దాటుతుండగా బెంగళూరు నుంచి అనంతపురం వెళ్తుంన్న లారీ ఢీకొనడంతో తీవ్రంగా గాయపడిందన్నారు. వెంటనే హైవే అంబులెన్స్‌లో కర్నాటక బాగేపల్లి ఆసుపత్రికి తరలించారు.