సి.బెళగల్, ఏప్రిల్ 1:మండల పరిధిలోని సింగవరం గ్రామం సమీపంలో ఆదివారం తుంగభద్ర నదిలో ఒక వ్యక్తి అనుమానాస్పద స్థితిలో మృతి చెందినట్లు ఎస్‌ఐ శ్రీనివాసులు తెలిపారు. విషయం తెలుసుకున్న ఎస్‌ఐ సంఘటనా స్థలానికి వెళ్లి మృతదేహాన్ని పరిశీలించగా మృతుడు దేవనకొండ మండలం తెర్నేకల్లు గ్రామానికి చెందిన నరసింహులు(45)గా గుర్తించి అతడి భార్య ఈశ్వరమ్మకు సమాచారం ఇవ్వగా ఆమె సంఘటనా స్థలానికి చేరుకుని బోరున విలపించింది.

నందివాడ, మార్చి 31: చేపల చెరువుమీద చెట్లు నరకడానికి వెళుతూ ఇద్దరు వ్యక్తులకు విద్యుత్ హైటెన్షన్ వైర్లు తగిలి అక్కడికక్కడే మృతి చెందారు. నందివాడ ఎస్‌ఐ మణికుమార్ కథనం ప్రకారం అరిపిరాల గ్రామంలో 23 ఎకరాల భూమిని రఘురామరాజు అనే వ్యక్తి లీజుకు తీసుకొని చేపల చెరువు తవ్వుతున్నారు.

వికారాబాద్, మార్చి 31: అదనపు కట్నం కోసం వేధించి హత్య చేసిన కేసులో వికారాబాద్ కోర్టు ఇద్దరికి జీవిత ఖైదు విధిస్తూ తీర్పునిచ్చింది. వికారాబాద్ సీఐ ఎం.వెంకట రామయ్య తెలిపిన వివరాల ప్రకారం 2014 ఆగస్టు 21న వికారాబాద్ పట్టణం గంగారానికి చెందిన పర్వీన్‌బేగంను భర్త ఎండీ హాజీ, అత్త హుస్సేన్‌బీ అదనపు కట్నం కోసం ఒంటిపై కిరోసిన్ పోసి నిప్పంటించారు. చికిత్స పొందుతూ ఆమె మృతిచెందింది.

కాకినాడ, మార్చి 31: సెంట్రల్ యూనివర్సిటీ (హైదరాబాద్) వైస్ ఛాన్సలర్ ఆచార్య పి అప్పారావును హతమార్చడానికి జరిగిన కుట్రను తూర్పు గోదావరి జిల్లా పోలీసులు ఛేదించారు. ఈ కుట్ర పన్నిన మావోయిస్టు సానుభూతిపరులైన అదే యూనివర్సిటీకి చెందిన ఇద్దరు పూర్వ విద్యార్థులను అరెస్టుచేశారు. తూర్పు గోదావరి జిల్లా ఎస్పీ విశాల్‌గున్నీ శనివారం కాకినాడలో ఏర్పాటుచేసిన విలేఖర్ల సమావేశంలో వివరాలు వెల్లడించారు.