అంతే మరి..

మనిషన్నాక కోపం సహజం. ఏదోక టైంలో ఎవరో ఒకరిమీద కోపం రావడం అనివార్యం. కోపం వచ్చినపుడు ఒక్కొక్కరూ ఒక్కోలా ప్రవర్తించడం చూస్తూనే ఉంటాం. కోపానికి గురిచేసిన వ్యక్తిని చాచి లెంపకాయ కొట్టొచ్చు. అంత సీన్ లేదనుకుంటే -కోపానికి గురైన వ్యక్తి చేతిలోని వస్తువుని విసిరికొట్టొచ్చు. అదీ కాదనుకుంటే -ఏ బాత్రూంలోకో వెళ్లి కోపం తెప్పించిన వ్యక్తిని ఇష్టం వచ్చినట్టు మనసులోనే తిట్టుకుని బయటపడొచ్చు. ఇక్కడ అనుసరించే మార్గం ఏదైనా -కోపాన్ని బయటకు పంపడమే కర్తవ్యం. అచ్చంగా ఇలాంటి అలవాటే -చెన్నై బ్యూటీ సమంతాకూ ఉందట. సమంతాకూ కోపం వస్తే.. ‘ఎవరిమీదా అరవను. ఎవర్నీ తిట్టుకోను. చేతిలోని వస్తువుల్నీ విసిరికొట్టను. గబగబా జిమ్‌లోకి దూరిపోతాను. ఒళ్లంతా చెమట్లు పట్టేలా వర్కవుట్లు చేస్తాను. ఆ చెమట్లతోనే ఒంట్లోని కోపం కూడా ఆవిరైపోతుంది’ అంటోంది. మామూలుగానే ఫిట్‌నెస్ విషయంలో ఎక్కువ శ్రద్ధ చూపించే సమంతా -కోపాన్ని కూడా అనుకూలంగా వర్కవుట్ చేసుకుంటుందన్న మాట. ఏమో నమ్మాలి మరి -ఈమధ్య జిమ్‌లో కసరత్తులతో ఫ్యాన్స్‌కు ఫొటోలు ట్వీట్ చేసింది. పైగా -జిమ్‌నే లవ్ చేస్తున్నట్టు ప్రకటించుకుంది కూడా.