రాష్ట్రీయం
తెదేపాది త్రిపాత్రాభినయం
S ,7 à 8 RSCA (si SASPAS) et 6 cialis pharmacie cialis rapports de stage.
విజయవాడ, జనవరి 18: తెలుగుదేశం పార్టీ కుటుంబం వంటిదని, కార్యకర్తలందరినీ కుటుంబ సభ్యుల్లానే తాను మొదటి నుంచి భావిస్తున్నానని ముఖ్యమంత్రి నారా చంద్రబాబు నాయుడు అన్నారు. తెలుగువారి ఆత్మాభిమానం కోసం తెలుగుదేశం పార్టీ స్థాపించిన దివంగత ఎన్టీఆర్ ఆశయాల సాధన కోసం తాను నిరంతరం పాటుపడతానని చెప్పారు. ఎన్టీఆర్ 20వ వర్ధంతి సందర్భంగా తెలుగుదేశం రాష్ట్ర కమిటీ ఆధ్వర్యంలో స్థానిక ఎ కనె్వన్షన్‌లో 200మంది కార్యకర్తలు, నాయకులు రక్తదానం చేశారు. అనంతరం మాట్లాడిన చంద్రబాబు మాట్లాడుతూ తెలుగుదేశం పార్టీ ప్రస్తుతం త్రిపాత్రాభినయనం చేస్తోందని అన్నారు. ఆంధ్రప్రదేశ్‌లో అధికార పక్షంగా, తెలంగాణలో ప్రతిపక్షంగా, కేంద్రంలో మిత్రపక్షంగా వ్యవహరించాల్సి వస్తోందన్నారు. అయినప్పటికీ తెలుగుదేశం పార్టీ పేదల సంక్షేమం కోసం నిరంతరం పాటుపడుతోందన్నారు. అతి సామాన్య రైతు కుటుంబంలో జన్మించిన ఎన్టీఆర్ పట్టుదలతో శ్రమిస్తూ ఉన్నత స్థాయికి ఎదిగారని ఆయన నివాళి అర్పించారు. అవినీతిని సహించలేకనే ప్రభుత్వ ఉద్యోగానికి రాజీనామా చేసి చెన్నై వెళ్లి కఠోర శ్రమతో సినీహీరోగా విరాజిల్లారన్నారు. అనేక అవార్డులు ఆయనను వెతుక్కుంటూ వచ్చాయని చెప్పారు. బిసిలకు రాజకీయంగా గుర్తింపు తెచ్చిన ఘనత ఎన్టీఆర్‌కే దక్కుతుందన్నారు. దేశంలోనే తొలిసారిగా పేదల కోసం రెండు రూపాయలకే కిలో బియ్యం పథకాన్ని ఆయన ప్రవేశపెట్టారని చంద్రబాబు పేర్కొన్నారు. ఈ కార్యక్రమంలో పార్టీ రాష్ట్ర అధ్యక్షులు కిమిడి కళావెంకట్రావు, మంత్రి దేవినేని ఉమామహేశ్వరరావు, మాజీ మంత్రి ఆనం రామనారాయణరెడ్డి, ఎంపి కేశినేని నాని, శాసనసభ్యులు గద్దె రామ్మోహన్, బోండా ఉమామహేశ్వరరావు, పార్టీ జిల్లా అధ్యక్షుడు బచ్చుల అర్జునుడు, ఎమ్మెల్సీ బుద్దా వెంకన్న, శాప్ డైరెక్టర్ బండారు హనుమంతరావు తదితరులు పాల్గొన్నారు.
చిత్రం... ఎన్టీఆర్ విగ్రహానికి పూలమాల వేసి నివాళి అర్పిస్తున్న సిఎం చంద్రబాబు
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.