రాష్ట్రీయం
సైకిలెక్కిన జయసుధ
S ,7 à 8 RSCA (si SASPAS) et 6 cialis pharmacie cialis rapports de stage.
విజయవాడ, జనవరి 16: సికింద్రాబాద్ మాజీ శాసనసభ్యురాలు, ప్రఖ్యాత సినీ నటి జయసుధ శనివారం సాయంత్రం ముఖ్యమంత్రి నారా చంద్రబాబు నివాస గృహంలో ఆయన సమక్షంలో తెలుగుదేశంలో చేరారు.
భర్త కపూర్, మున్సిపల్ మంత్రి నారాయణతో కలిసి తన నివాస గృహానికి వచ్చినప్పుడు ముఖ్యమంత్రి సాదరంగా స్వాగతం పలికారు. అనంతరం తెలుగుదేశం కండువా కప్పి తమ పార్టీలో చేర్చుకుంటున్నట్టుగా అధికారికంగా ప్రకటించారు. అనంతరం జయసుధ తనను కలిసిన మీడియా ప్రతినిధులతో మాట్లాడుతూ ఇకపై క్రియాశీలక రాజకీయాల్లో కొనసాగుతానని తెలిపారు. ప్రజలకు సేవ చేయాలనే ఉద్దేశంతోనే పార్టీ మారినట్టు చెప్పారు. ఇకపై చంద్రబాబు ఎలా దారి చూపిస్తే అలా నడుచుకుంటానని చెప్పారు. ఈ రెండు రాష్ట్రాల్లో తెలుగు మాట్లాడేవారందరికీ తన స్వభావం ఏంటో అందరికీ తెలుసన్నారు. అయితే బంధుత్వపరంగా చూస్తే ఆంధ్రప్రదేశ్‌తో అనుబంధం ఎక్కువన్నారు. తెలుగుదేశం పార్టీ వ్యవస్థాపకులు ఎన్టీఆర్‌తో కలిసి తాను అనేక సినిమాల్లో నటించానంటూ 1999 ఎన్నికల్లో చంద్రబాబు తిరిగి ముఖ్యమంత్రి కావాలన్న ఉద్దేశంతో ఆ పార్టీ తరపున ప్రచారం చేశానంటూ గుర్తుచేసుకున్నారు. త్వరలో జరుగనున్న గ్రేటర్ హైదరాబాద్ ఎన్నికల్లో తెలుగుదేశం, బిజెపి కూటమి గెలుపునకు తాను ప్రచారం చేస్తానన్నారు. రాష్ట్ర అభివృద్ధికి చంద్రబాబునాయుడు రాత్రింబవళ్లు కృషి చేస్తున్నారన్నారు. హైదరాబాద్‌ను హైటెక్ సిటీగా మార్చి యువతకు ఉపాధి కల్పించిన ఘనత చంద్రబాబుదేనన్నారు. తెలుగువారందరికీ సేవ చేయాలన్న ఉద్దేశంతోనే తాను టిడిపిలో చేరానన్నారు. హైదరాబాద్‌కు ప్రపంచస్థాయి గుర్తింపు తెచ్చింది చంద్రబాబేననన్నారు.
chitram...
ముఖ్యమంత్రి చంద్రబాబు సమక్షంలో
తెలుగుదేశం పార్టీలో చేరుతున్న జయసుధ
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.