రాష్ట్రీయం
మరింత వేగంగా..
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, జనవరి 16: ఆంధ్రప్రదేశ్ రాజధాని అమరావతి నిర్మాణానికి ప్రభుత్వం వేగంగా అడుగులేస్తోంది. ఇంతకాలం భూసేకరణ, భూమి చదును, భూమి పూజ, శంకుస్థాపన, తాత్కాలిక రోడ్ల నిర్మాణం, భూ సర్వే, గ్రామకంఠాల గుర్తింపు, సరిహద్దులు, క్యాపిటల్ రీజియన్ మాస్టర్ ప్లాన్, సీడ్ క్యాపిటల్ మాస్టర్ ప్లాన్, వౌలిక సదుపాయాలు వసతుల కల్పన అంశాలపై దృష్టిపెట్టిన ప్రభుత్వం, తాజాగా మరో అడుగు ముందుకేసింది. ప్రతి అంశానికీ కన్సల్టెంట్ల నియామకానికి అంతర్జాతీయ బిడ్డింగ్‌లను ప్రారంభించింది. పనిలో పనిగా తాత్కాలిక సచివాలయానికి సైతం టెండర్లను పిలిచింది. టెండర్ల దాఖలుకు 21 రోజుల గడువు నిర్ధారించింది. గడవు పూరె్తైన ఐదు రోజుల్లో టెండర్లను ఖరారు చేస్తారు. నాలుగు నెలల్లో తాత్కాలిక సచివాలయాన్ని నిర్మించాలనేది ప్రభుత్వ లక్ష్యంగా ఉంది. సీడ్ క్యాపిటల్ పరిధిలోని రైతులకు సమీపంలోనే భూములు ఇవ్వాలని కూడా ప్రభుత్వం యోచిస్తోంది. ఇంకోపక్క రాజధాని ముసాయిదా ప్రణాళికలపై ప్రజల నుండి 25వరకూ అభ్యంతరాలు స్వీకరించిన తర్వాత, దానిని ఖరారు చేసి తుది ప్రణాళికను ప్రకటించనుంది. అంతలోగా వివిధ పనులకు కన్సల్టెంట్లను ఆహ్వానిస్తోంది. విజయవాడ నుంచి వ్యవహారాలు కొనసాగిస్తున్న సిఆర్‌డిఎ తన కార్యాలయాన్ని తుళ్లూరులోనూ ఏర్పాటు చేయదలచింది. ఇందుకు టెండర్లను ఆహ్వానించింది. ఈనెల 20నాటికి టెండర్లు పిలుస్తారు. అమరావతికి గ్రీన్ కన్సల్టెంట్ నియామకానికి మరో టెండర్‌ను ఆహ్వానించారు. అందుకు ప్రభుత్వం ఈనెల 27 వరకూ గడువిచ్చింది. జల రవాణా, జలాశయాల నిర్వహణకు బ్లూ కన్సల్టెంట్లను ఆహ్వానించింది. ఇందుకోసం 23 వరకూ గడువిచ్చింది. స్మార్టు ఇంటిగ్రేటెడ్ ఇన్‌ఫ్రాస్ట్రక్చర్ మాస్టర్ ప్లాన్ , అమరావతి రాజధాని నిర్మాణానికి తొలి దశ వౌలిక సదుపాయాల కల్పనకు కన్సల్టెంట్ల నియామకానికి మరో టెండర్‌ను ప్రభుత్వం ఆహ్వానించింది. అందుకు జనవరి 22 వరకూ గడువిచ్చింది. తుళ్లూరులో 8 వేల చదరపు అడుగుల విస్తీర్ణం మేరకు కార్యాలయ భవనానికి సిఆర్‌డిఎ టెండర్లు పిలిచింది. భవనాన్ని మూడేళ్లపాటు లీజులో ఉంచనున్నట్టు కూడా పేర్కొంది.
అమరావతిలో 217 చదరపు కిలోమీటర్లు పరిధిలో ల్యాండ్ స్కేప్, హరితవనాల అభివృద్ధి, రివర్‌ఫ్రంట్ నగరాల అభివృద్ధి, పట్టణాభివృద్ధి వౌలిక సూత్రాలు అమలుచేస్తూ సమగ్ర ప్రణాళికను రూపొందించడానికి గ్రీన్ కన్సల్టెంట్లను ఆహ్వానించారు. ఆరు నుండి 12 నెలల్లో ప్రణాళిక, వ్యయం, నిధుల సమీకరణ, నిపుణుల గుర్తింపు తదితర బాధ్యతలను కూడా కన్సల్టెంట్లే చూడాల్సి ఉంటుంది.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.