రాష్ట్రీయం
అభివృద్ధికి ఏపి చిరునామా
S ,7 à 8 RSCA (si SASPAS) et 6 cialis pharmacie cialis rapports de stage.
తిరుపతి, జనవరి 14 : ఆంధ్రరాష్ట్రం వచ్చే సంక్రాంతి నాటికి అన్ని రంగాల్లో పరిపూర్ణమైన అభివృద్ధి సాధించాలని తాను కాంక్షిస్తున్నానని అభివృద్ధికి రాష్ట్రం చిరునామా కానున్నదని ముఖ్యమంత్రి చంద్రబాబు నాయుడు తెలిపారు. ఆయన గురువారం సాయంత్రం విజయవాడనుంచి రేణిగుంటకు విమానంలో చేరుకున్నారు. అక్కడి నుండి కారులో బయలుదేరి మంగళం ప్రాంతంలో మానస సరోవర్ ప్రీమియర్ గ్రూప్స్ నిర్మించిన హోటల్‌ను, ఫుడ్ ఫెస్టివల్‌ను సిఎం ప్రారంభించారు. ఈ సందర్భంగా ఏర్పాటు చేసిన వంటల ప్రదర్శనను ఆయన తిలకించారు. సంక్రాంతి సంబరాల్లో భాగంగా ఏర్పాటు చేసిన సాంస్కృతిక కార్యక్రమాలను కూడా వీక్షించారు. పిల్లలకు స్వీట్లు పంచి పెట్టారు. హరిదాసు తలపై ఉన్న కుండలో బియ్యం పోసి సంబరాలను ఆస్వాదించారు. అనంతరం ఏర్పాటు చేసిన విలేఖరుల సమావేశంలో మాట్లాడుతూ పర్యాటక రంగంలో ఆంధ్రప్రదేశ్ మరింత అభివృద్ధి చెందాల్సిన అవసరం ఉందన్నారు. వైజాగ్‌లో భాగస్వామ్య సదస్సులో 5 లక్షల కోట్ల రూపాయలతో పెట్టుబడులు పెట్టడానికి పారిశ్రామికవేత్తలు ముందుకువచ్చారన్నారు. దీంతో అభివృద్ధికి ఆంధ్రప్రదేశ్ చిరునామా కానుందన్నారు. వారసత్వంగా వస్తున్న సాంప్రదాయలను కాపాడుకోవాల్సిన అవసరం ఉందన్నారు. కూచిపూడి కళను కాపాడుకోవాలని ఇందుకు ప్రతి ఇంటి నుంచి ఓ కూచిపూడి కళాకారిణి తయారు కావాలని ఆయన పిలుపునిచ్చారు. తిరుపతిని అద్భుత నగరంగా తీర్చిదిద్దుతామన్నారు. తిరుపతి, నెల్లూరు, చెన్నైలను ప్రధాన పారిశ్రామిక కారిడార్‌గా తీర్చిదిద్దుతామన్నారు. మూడు విమానాశ్రయాలు, మూడు పోర్టులు కూడా రానున్నాయన్నారు. నెల్లూరు జిల్లా కృష్ణ పట్నంను ఒక టౌన్ షిప్‌గా ఏర్పాటు చేస్తామన్నారు. బెంగళూరు, చెన్నై కారిడార్‌గా అభివృద్ధి చేస్తామన్నారు. ఏర్పేడు, విశాఖపట్నం, చెన్నై మరో పారిశ్రామిక కారిడార్‌గా అభివృద్ధి పరచుచున్నామని, ఇందుకు ఏషియన్ బ్యాంక్, కేంద్ర ప్రభుత్వం, రాష్ట్ర ప్రభుత్వం సంయుక్త భాగస్వామ్యంతో ఈ కారిడార్‌ను అభివృద్ధి చేస్తున్నామన్నారు. రాష్ట్రాన్ని పర్యాటక కేంద్రంగా అభివృద్ధి పరిచి వాటిపై వచ్చే నిధులు ఆ ప్రాంత అభివృద్ధి వెచ్చిస్తామన్నారు. ప్రతి పేదవాడు సంతోషంగా ఉంటేనే తిరిగి శ్రమించగలుగుతాడని, అందుకే సంక్రాంతి కానుక, రంజాన్ తోఫా, క్రిస్‌మస్ కానుకలను తమ ప్రభుత్వం అందించిందన్నారు. ఆర్థిక అసమానతలను తగ్గించాలన్నదే తన ప్రయత్నమన్నారు. కాగా సంక్రాంతి సంబరాలకు వచ్చిన ముఖ్యమంత్రి చంద్రబాబు నాయుడు కుటుంబ సభ్యులతో కలిసి శనివారం వరకు నారావారి పల్లెలో గడుపుతారు.
చిత్రం... హరిదాసు భిక్షపాత్రలో బియ్యంపోస్తున్న ముఖ్యమంత్రి
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.