రాష్ట్రీయం
13 జిల్లాల్లో ఇంటర్వెన్షన్ సెంటర్లు
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, జనవరి 13: ఆంధ్రప్రదేశ్‌లో రాష్టవ్య్రాప్తంగా 13 జిల్లాల్లో 14 నవజాత శిశు కేంద్రాలు (ఎర్లీ ఇంటర్వెన్షన్ సెంటర్లు) నెలకొల్పాలని ప్రభుత్వం నిర్ణయించింది. ప్రతి కేంద్రానికి కోటి ఆరు లక్షలు చొప్పున 14 కేంద్రాలకు 14.84 కోట్లు విడుదల చేసింది. ఈ కేంద్రాలకు సొంత భవనాలను నిర్మిస్తారు. కేంద్రప్రభుత్వం ప్రతిపాదించిన రాష్ట్రీయ బాల స్వాస్థ్య కార్యక్రమం కింద వీటిని నిర్మిస్తారు. పనులను ఎపి మెడికల్ సర్వీసెస్ వౌలిక సదుపాయాల అభివృద్ధి సంస్థకు అప్పగించారు. పనుల పర్యవేక్షణను నేషనల్ హెల్త్ మిషన్ ఎండికి, ఆరోగ్య శాఖ కమిషనర్‌కు అప్పగించినట్టు వైద్య శాఖ ముఖ్యకార్యదర్శి పూనం మాలకొండయ్య తెలిపారు.
‘భోగాపురం’అభివృద్ధి సంస్థ ఏర్పాటు
హైదరాబాద్, జనవరి 13: భోగాపురంలో రాష్ట్రప్రభుత్వం నిర్మించ తలపెట్టిన గ్రీన్‌ఫీల్డ్ ఎయిర్‌ఫోర్టు పనులను వేగవంతం చేసేందుకు భోగాపురం ఇంటర్నేషనల్ ఎయిర్‌పోర్టు కంపెనీ లిమిటెడ్ పేరిట సంస్థను ఏర్పాటు చేసింది. ఈ కంపెనీ భోగాపురం ఎయిరోట్రోపోలిస్ ప్రాజెక్టు వ్యవహారాలను చూస్తుంది. భోగాపురంలో అంతర్జాతీయ విమానాశ్రయం ఏర్పాటుతో పాటు అంతర్జాతీయ ఏవియేషన్ అకాడమిని కూడా ప్రభుత్వం ఏర్పాటు చేస్తోంది. ఈ ఆకాడమిలోనే విమానాల నిర్వహణ, మరమ్మతులు, ఓవరాలింగ్ తదితర సాంకేతిక వ్యవహారాలను సైతం పర్యవేక్షిస్తుందని ప్రభుత్వ వర్గాలు తెలిపాయి.
విసి పదవులకు 1289 దరఖాస్తులు
హైదరాబాద్, జనవరి 13: తెలంగాణలోని 9 విశ్వవిద్యాలయాల వైస్ ఛాన్సలర్ పదవులకు 330 మంది దరఖాస్తు చేశారు. శుక్రవారం వరకూ దరఖాస్తుల స్వీకరణ గడువు ఉన్నా, పోస్టులో వచ్చిన దరఖాస్తులను సోమవారం వరకూ అధికారులు స్వీకరించినట్టు తెలిసింది. ఒకొక్కరు 5 నుండి 8 దరఖాస్తులు చేయడంతో వాటి సంఖ్య 1289కు పెరిగింది. మొత్తం దరఖాస్తులపై ఒక స్పష్టత వచ్చినట్టు తెలిసింది.
అత్యధికంగా మహాత్మాగాంధీ విశ్వవిద్యాలయానికి 182 దరఖాస్తులు వచ్చాయి, అదే సంఖ్యలో డాక్టర్ బి ఆర్ అంబేద్కర్ యూనివర్శిటీకి 182 దరఖాస్తులు వచ్చాయి. పాలమూరు విశ్వవిద్యాలయానికి 176 దరఖాస్తులు, శాతవాహన విశ్వవిద్యాలయానికి 165, తెలంగాణ విశ్వవిద్యాలయానికి 162 దరఖాస్తులు వచ్చాయి. ఉస్మానియా విశ్వవిద్యాలయానికి 145, కాకతీయ విశ్వవిద్యాలయానికి 128, జెఎన్‌టియు హైదరాబాద్‌కు 84, పొట్టి శ్రీరాములు తెలుగు విశ్వవిద్యాలయానికి 48 దరఖాస్తులు వచ్చాయని విశ్వసనీయంగా తెలిసింది. బుధవారం నుండి ఒక్కో దరఖాస్తు పరిశీలన మొదలైంది. వారం పది రోజుల్లో ఈ ప్రక్రియను పూర్తి చేసినా, నియామకాలు మాత్రం జిహెచ్ ఎంసి ఎన్నికల ఫలితాల తర్వాతనే ఉంటుందని ఉన్నత విద్యాశాఖ అధికారులు చెబుతున్నారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.