రాష్ట్రీయం
ఆంధ్రకు 4 టిఎంసిలు
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, డిసెంబర్ 16: తక్షణ తాగునీటి అవసరాలకు శ్రీశైలం ప్రాజెక్టు నుంచి ఆంధ్రప్రదేశ్ 4 టిఎంసిల జలాలు వాడుకోవడానికి కృష్ణానదీ యాజమాన్య బోర్డు ఆమోదం తెలిపింది. ఈ ప్రాజెక్టులో ప్రస్తుతం లభ్యతగా ఉన్న 30 టిఎంసిల నుంచి ఆంధ్రప్రదేశ్ 10 టిఎంసిలు, తెలంగాణ 20 టిఎంసిల నీటిని వాడుకోవచ్చని గత బోర్డు సమావేశంలో తీసుకున్న నిర్ణయంలో ఎలాంటి మార్పూలేదని, యథాతథిస్థితి కొనసాగుతుందని మరోసారి బోర్డు స్పష్టం చేసింది. కృష్ణానదీ యాజమాన్య బోర్డు చైర్మన్ ఎస్‌కె పండిత్ అధ్యక్షతన బుధవారం హైదరాబాద్‌లో బోర్డు సమావేశం జరిగింది. ఆంధ్ర నీటిపారుదల శాఖ ముఖ్య కార్యదర్శి ఆధిత్యనాథ్ దాసు, తెలంగాణ నీటిపారుదల శాఖ ముఖ్య కార్యదర్శి ఎస్‌కె జోషి, తెలంగాణ ప్రభుత్వ నీటిపారుదలరంగ సలహాదారు ఆర్ విద్యాసాగర్‌రావు, ఇరు రాష్ట్రాల నీటిపారుదల శాఖ ఇఎన్‌సిలు సమావేశానికి హాజరయ్యారు. కృష్ణానదీ జలాల వినియోగంపై ఇరు రాష్ట్రాల మధ్య ఏర్పడిన వివాదాలను పరిష్కరించే అంశాలపై బోర్డు ప్రధానంగా చర్చించింది. ఆంధ్ర రాష్ట్రానికి గతంలో కేటాయించిన 10 టిఎంసిలలో అత్యవసరమైతే తాగునీటి అవసరాల కోసం తక్షణం 4 టిఎంసిల నీటిని వాడుకోవచ్చని బోర్డు నిర్ణయించింది. తాగునీటి అవసరాల కోసం ప్రాజెక్టునుంచి 10 టిఎంసిల నీరు ఎల్లప్పుడూ అందుబాటులో ఉంటుందని బోర్టు స్పష్టం చేసింది. అలాగే కృష్ణానది నుంచి హైదరాబాద్ నగర తాగునీటి కోసం నీటి లభ్యత సామర్థ్యం మేరకు వాడుకోవచ్చని బోర్డు స్పష్టం చేసింది. శ్రీశైంలో ప్రాజెక్టు డ్యామ్ భద్రతపై కేంద్ర జల సంఘానికి లేఖ రాయాలని సమావేశం నిర్ణయించింది. ఇరు రాష్ట్రాల అధికారులతో కమిటీవేసి డ్యామ్‌కు అవసరమైన మేరకు మరమ్మతులు చేపట్టాలని బోర్డు నిర్ణయించింది. కృష్ణానదిపై ఉన్న ప్రాజెక్టులను బోర్డు పరిధిలోకి తీసుకురావాలనే అంశంపై ఇంకా నిర్ణయం తీసుకోలేదని తెలంగాణ నీటిపారుదలరంగ సలహాదారు ఆర్ విద్యాసాగర్‌రావు సమావేశం అనంతరం మీడియాకు వెల్లడించారు. కృష్ణానది జలాలను వినియోగించుకునే అంశంపై ఇరు రాష్ట్రాలు సమన్వయంతో వ్యవహరించాలని బోర్డు సూచించింది. కృష్ణానది యాజమాన్య బోర్డు తదుపరి సమావేశాన్ని విజయవాడలో నిర్వహించాలని వచ్చిన ప్రతిపాదనకు ఇరు రాష్ట్రాల అధికారులు అంగీకారం తెలిపారు. హైదరాబాద్‌లో కృష్ణాబోర్టు కార్యాలయం ఏర్పాటుతోపాటు బోర్డు బడ్జెట్, నిధుల కేటాయింపు అంశంపై సమావేశంలో చర్చజరిగినట్టు విద్యాసాగర్‌రావు తెలిపారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.