రాష్ట్రీయం
మిషన్ భగీరథ ఓ అద్భుత పథకం
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, డిసెంబర్ 15: మిషన్ భగీరథ అద్భుతమైన పథకమని, మిగిలిన రాష్ట్రాలు దీనిని ఆదర్శంగా తీసుకోవాలని కేంద్ర గ్రామీణ నీటి సరఫరా శాఖ సంయుక్త కార్యదర్శి సత్యవ్రత సాహు తెలిపారు. తాగునీటి సరఫరాపై అన్ని రాష్ట్రాల ఉన్నతాధికారులతో ఆయన మంగళవారం వీడియో కాన్ఫరెన్స్ నిర్వహించారు. సమావేశం ప్రారంభంలోనే మిషన్ భగీరథపై వివరించారు. దేశంలో భగర్భ జలవనరుల నుంచే తాగునీటి సరఫరా జరుగుతోందని, దీంతో ప్రయోజనం కంటే ప్రమాదమే ఎక్కువ అని తెలిపారు. కొన్ని ప్రాంతాల్లోని భూగర్భ జలాల్లో ఫ్లోరైడ్, ఆర్సినక్ వంటి విష రసాయనాలు ప్రమాదకర స్థాయిలో ఉన్నాయని తెలిపారు. ఈ ప్రమాదాన్ని నివారించాలంటే ఉపరితల జన వనరుల నుంచి తాగునీటిని సరఫరా చేయాలని చెప్పారు. దీనికోసం తెలంగాణలో బృహత్ ప్రయత్నం జరుగుతోందని సత్యవ్రత సాహూ తెలిపారు. నదులనే నీటి వనరులుగా ఉపయోగించుకొంటూ తెలంగాణ ప్రభుత్వం మిషన్ భగీరథను చేపట్టిందని, ఇదో అద్భుతమైన ప్రయత్నమని మెచ్చుకున్నారు. స్వాతంత్య్రం వచ్చి ఇన్ని సంవత్సరాలైనా ఇప్పటికీ దేశంలోని కోట్లాదిమంది సురక్షిత తాగునీటికి నోచుకోక పోవడం దురదృష్టకరమని అన్నారు. తెలంగాణ సంకల్పాన్ని చూసి తాము గర్వపడుతున్నామని చెప్పారు. మిగతా రాష్ట్రాలు కూడా తెలంగాణను ఆదర్శంగా తీసుకోవాలని సాహూ సూచించారు. ఇదే సమావేశంలో పాల్గొన్న నీతి ఆయోగ్ సలహాదారు అశోక్‌జైన్ మాట్లాడుతూ తెలంగాణ లక్ష్యం గొప్పదని అన్నారు. ఫ్లోరైడ్, ఆర్సినిక్ ప్రభావిత ప్రాంతాల్లో సురక్షిత తాగునీటి సరఫరా కోసం నీతి ఆయోగ్ 1000 కోట్ల రూపాయలు కేటాయించినట్టు చెప్పారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.