రాష్ట్రీయం
ఇద్దరు చంద్రులు కలిసే వేళ!
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, డిసెంబర్ 13: ముఖ్యమంత్రి కె చంద్రశేఖర్‌రావు బృందం సోమవారం మధ్యాహ్నాం బేగంపేట విమానాశ్రయం నుంచి విజయవాడ వెళ్తోంది. అయుత చండీహోమంలో పాల్గొనాల్సిందిగా ఆంధ్ర సిఎం చంద్రబాబును ఆహ్వానించేందుకు వెళ్తున్నారు. ఈ సందర్భంగా ఇద్దరు సిఎంలు చంద్రబాబు క్యాంపు కార్యాలయంలో గంటన్నరపాటు చర్చలు జరపుతారు. ముందుగా నిర్ణయించిన కార్యక్రమం ప్రకారం 45 నిమిషాలపాటు కెసిఆర్ బృందం, బాబు బృందంతో కలిసి భోజనం చేస్తుంది. తరువాత 45 నిమిషాలపాటు రెండు రాష్ట్రాలకు సంబంధించిన పలు అంశాల, అమరావతి రాజధాని నిర్మాణంపై చర్చించుకుంటారు. ఓటుకు నోటు కేసు తరువాత ఇద్దరు సిఎంల మధ్య దూరం పెరిగిన తరువాత, అమరావతి శంకుస్థాపనకు చంద్రబాబు కెసిఆర్‌ను ఆహ్వానించారు. కెసిఆర్ అమరావతి ప్రారంభోత్సవానికి వెళ్లినా ప్రత్యేకంగా చర్చలంటూ జరగలేదు. కెసిఆర్ క్యాంపు కార్యాలయానికి చంద్రబాబు వచ్చినప్పుడు ఇద్దరు సిఎంలు స్వల్ప సమయం విడిగా చర్చించుకున్నారు. ప్రధానంగా కెసిఆర్ ఇరిగేషన్ ప్రాజెక్టులు, నీటి కేటాయింపుల్లో తెలంగాణకు ఏవిధంగా అన్యాయం జరిగిందో వివరించడానికే భేటీలో ప్రాధాన్యతనిచ్చారు. తెలంగాణకు జరిగిన అన్యాయం వల్లే ఉద్యమం వచ్చిందని, ఎవరి రాష్ట్రం అభివృద్ధికి వాళ్లు కృషి చేద్దామని కెసిఆర్ సూచించారు. అయితే ఇప్పుడు మాత్రం ఎక్కువ సమయం ఇద్దరు సిఎంలు గడుపుతున్నందున పలు అంశాలపై చర్చించుకుంటారని పార్టీ వర్గాలు చెబుతున్నాయి. ఇరిగేషన్, విద్యుత్ వంటి అంశాల్లో ఇరు రాష్ట్రాల మధ్య ఉన్న విబేధాలను చర్చించుకోనున్నారు. అదేవిధంగా గతంలో నూతన రాజధాని అమరావతిలో నిర్మించడం వాస్తు రీత్యా బాగుంటుందని బాబుకు కెసిఆర్ చెప్పిన విషయం తెలిసిందే. రాజ్‌భవన్‌లో గవర్నర్ సమక్షంలో ఇద్దరు సిఎంలు కలిసినప్పుడు అప్పటికి ఇంకా రాజధానిపై నిర్ణయం జరగలేదు. దాంతో అమరావతి అయితే బాగుంటుందని కెసిఆర్ సూచించారు. అమరావతి రాజధాని నిర్మాణం గురించి ఇద్దరి మధ్య చర్చకు వచ్చే అవకాశం ఉంది. వచ్చే జూన్‌నాటికి సచివాలయంలోని ఆంధ్ర ఉద్యోగులంతా ఆంధ్ర రాజధానికి తరలి రావాలని సిఎం చంద్రబాబు ఆదేశించారు. కొత్త రాజధాని నిర్మాణం జరుగుతున్న తీరు తదితర అంశాలపైనా ఇద్దరు సిఎంలు మాట్లాడుకోనున్నారు. త్వరలోనే గ్రేటర్ హైదరాబాద్ ఎన్నికలు జరుగనున్న నేపథ్యంలో హైదరాబాద్‌లోని ఆంధ్రకు చెందినవారని మంచి చేసుకునే దానిలో భాగంగా కెసిఆర్ విజయవాడ పర్యటనకు ప్రాధాన్యత ఇస్తున్నారు. అయుత చండీయాగానికి చంద్రబాబు వస్తారని తెరాస నేతలు తెలిపారు. ఇద్దరు ముఖ్యమంత్రుల మధ్య తరుచుగా జరిగే సమావేశాల వల్ల గ్రేటర్ పరిధిలో పెద్ద సంఖ్యలో ఉన్న ఆంధ్ర ప్రాంతం వారిపై సానుకూల ప్రభావం ఉంటుందని పార్టీ నేతలు చెబుతున్నారు.
చిత్రం.. అయుత చండీయాగానికి హాజరుకావాలంటూ హైకోర్టు
ప్రధాన న్యాయమూర్తి దిలీప్ బి బోస్లేకు ఆదివారం ఆహ్వానపత్రం అందిస్తున్న తెలంగాణ సిఎం కెసిఆర్.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.