రాష్ట్రీయం
దార్శనికుడు కెసిఆర్
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, మే 31: తెలంగాణలోని రెండు రాజ్యసభ స్థానాలకు ఇద్దరు మాత్రమే నామినేషన్ దాఖలు చేయడంతో తెరాస అభ్యర్థులు ధర్మపురి శ్రీనివాస్, కెప్టెన్ లక్ష్మీకాంతరావులు ఏకగ్రీవంగా ఎన్నికయ్యారు. తెలంగాణ మంత్రులు నాయిని నర్సింహ్మారెడ్డి, అజ్మీరా చందూలాల్, ఈటల రాజేందర్, ఉప ముఖ్యమంత్రులు కడియం శ్రీహరి, మహమూద్ అలీతోపాటు శాసన సభ్యులు, శాసన మండలి సభ్యులు హాజరయ్యారు. ఈ సందర్భంగా ధర్మపురి శ్రీనివాస్ మాట్లాడుతూ సిఎం కెసిఆర్ గొప్ప దార్శనికుడని వ్యాఖ్యానించారు. తెలంగాణ ఉద్యమ కాలంలో తాను కాంగ్రెస్‌లోఉన్నా, తరుచుగా తెలంగాణ అంశంపై చర్చించుకునే వారమన్నారు. నేను చూసిన రాజకీయ నేతల్లో కెసిఆర్ అంతటి విజనరీ ఎవరూ లేరన్నారు. తెలంగాణ ఉద్యమ సమయంలో వ్యూహరచన చేయడంతోపాటు అధికారంలోకి వచ్చిన తరువాత సాధించిన తెలంగాణను ఏవిధంగా అభివృద్ధి చేయాలనే దానిపై కెసిఆర్‌కు చక్కని విజన్ ఉందన్నారు. ఏ పని ఎవరికి అప్పగించాలనే దానిపై స్పష్టత, మంచి అవగాహన ఉందన్నారు. కెసిఆర్ నాయకత్వంలో బంగారు తెలంగాణ సాకారమవుతుందన్న ఆశాభావం వ్యక్తం చేశారు. కోటి ఎకరాలకు సాగునీటిని అందించడమే ప్రభుత్వ లక్ష్యమన్నారు. ప్రభుత్వం లక్ష్యాన్ని సాధించి తీరుతుందని డి శ్రీనివాస్ తెలిపారు. ఢిల్లీలో తనకు ఉన్న పరిచయాలతో తెలంగాణ అభివృద్ధికి కృషి చేస్తానని శ్రీనివాస్ తెలిపారు. రాజ్యసభ సభ్యునిగా తెలంగాణ కోసం తన వంతు కృషి చేస్తానని కెప్టెన్ లక్ష్మీకాంతరావు తెలిపారు. అభ్యర్థుల ఎంపిక బాగుందని, ఇద్దరూ తెలంగాణ కోసం తపించిన నాయకులని రాజ్యసభ ఎన్నికల వ్యవహారాల పరిశీలకులుగా ఉన్న హోంమంత్రి నాయిని నర్సింహ్మారెడ్డి తెలిపారు. ఏకగ్రీవంగా ఎన్నిక కావడంతో ధర్మపురి శ్రీనివాస్, కెప్టెన్ లక్ష్మీకాంతరావును తెరాస ఎమ్మెల్యేలు, మంత్రులు, ముఖ్యనేతలు అభినందించారు.
చిత్రం నామినేషన్ల దాఖలు అనంతరం డిఎస్, కెప్టెన్‌లను అభినందిస్తున్న తెరాస ముఖ్యనేతలు
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.