రాష్ట్రీయం
అందమైన అబద్ధాలతో మార్కెటింగ్
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, మే 31: ప్రధాని నరేంద్ర మోదీ నేతృత్వంలోని ఎన్డీఏ పాలనలో సాధించిన ఘన విజయాలు, తెలంగాణ ముఖ్యమంత్రి కె.చంద్రశేఖర్‌రావు పాలనలోని వైఫల్యాలు, వాగ్ధానాలు అమలు చేయకపోవడంపై బహిరంగ చర్చకు సిద్ధమా? అని బిజెపి రాష్ట్ర అధ్యక్షుడు డాక్టర్ కె. లక్ష్మణ్ తెరాస నాయకులకు సవాలు విసిరారు.
ఎన్నికలకు ముందు కెసిఆర్ ఇచ్చిన హామీలు ఏ మేరకు అమలయ్యాయన్న దానిపై శే్వతపత్రం విడుదల చేయాలని ఆయన మంగళవారం విలేఖరుల సమావేశంలో డిమాండ్ చేశారు. కెసిఆర్ అందమైన అబద్దాలతో మార్కెటింగ్ చేస్తున్నారని, తెలంగాణలో బిజెపి దూసుకుపోవడాన్ని తెరాస నేతలు జీర్ణించుకోలేకపోతున్నారని ఆయన విమర్శించారు. బిజెపికి ఎందుకు ఓటు వేయాలని తెరాస ప్రశ్నించడంపై ఆయన మండిపడుతూ, ప్రజలు తెరాసకే ఎందుకు ఓట్లు వేయాలని ప్రశ్నించారు. తెరాస అధికారంలోకి వచ్చిన తర్వాత తెలంగాణ రాష్ట్రానికి దళితుడిని తొలి ముఖ్యమంత్రిని చేస్తామన్న హామీని కెసిఆఆర్ నిలబెట్టుకోనందుకు ఓట్లు వేయాలా? లేక తెలంగాణ రాష్ట్రం ఏర్పాటైతే నిరుద్యోగులకు లక్షలాధి ఉద్యోగాలు కల్పిస్తామన్న హామీని నిలబెట్టుకోనందుకు ఓట్లు వేయాలా?, కనీసం ఊరికో ఉద్యోగమైనా ఇచ్చారా? అని లక్ష్మణ్ ప్రశ్నించారు.
పేదలకు విశాలమైన ఇళ్లు నిర్మించి ఇస్తామన్న కెసిఆర్, పిచ్చుక గూళ్ళు కట్టినందుకా?, దళితులకు మూడు ఎకరాల భూమి ఇవ్వనందుకా?, రిజర్వేషన్లు కల్పించనందుకా?, తండాలను గ్రామ పంచాయతీలుగా మార్చనందుకు ఓట్లు వేయాలా? అని ఆయన ప్రశ్నించారు. తెలంగాణలో బిజెపి అసోం తరహాలో విజయం సాధిస్తుందన్నారు.
అస్సాంలో కూడా బిజెపికి తొలుత ఐదుగురు ఎమ్మెల్యేలే ఉండేవారని, ఇటీవల జరిగిన ఎన్నికల్లో పార్టీ అధికారంలోకి వచ్చిందని డాక్టర్ లక్ష్మణ్ గుర్తు చేశారు. పొత్తుల గురించి ఆలోచించకుండా ఒంటరిగా బలపడేందుకు కృషి చేస్తున్నామని ఆయన ఒక ప్రశ్నకు సమాధానంగా చెప్పారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.