రాష్ట్రీయం
విద్వేషాలతో వినాశమే!
S ,7 à 8 RSCA (si SASPAS) et 6 cialis pharmacie cialis rapports de stage.
తిరుపతి, మే 28: ఏపి, తెలంగాణల్లో జలవనరుల వినియోగం, నీటి ప్రాజెక్టుల అంశాలపై విద్వేషాలతో వ్యవహరిస్తే ఇరు రాష్ట్ర ప్రజలు తీవ్రంగా నష్టపోతారని ఏపి ముఖ్యమంత్రి చంద్రబాబు హితవు చెప్పారు. ఈ విషయంలో సంయమనంతో వ్యవహరించాల్సిన అవసరం ఉందన్నారు. మహానాడులో రెండవరోజైన శనివారం 11 తీర్మానాలను ఆమోదించారు. ఇందులో భాగంగా ‘సాగునీటి ప్రాజెక్టులు- తెలంగాణ ప్రభుత్వ అసమగ్ర విధానాలు’ అనే తీర్మానాన్ని రేవూరి ప్రకాశ్‌రెడ్డి ప్రవేశపెట్టారు. ఈసందర్భంగా చంద్రబాబు మాట్లాడుతూ గతంలో తెలంగాణలో తెలుగుదేశం ప్రభుత్వం అనేక ప్రాజెక్టులను చేపట్టిందన్నారు. వాటిని పూర్తిచేసుకునే హక్కు తెలంగాణ ప్రభుత్వానికి ఉందంటూనే, తాజాగా అక్కడి ప్రభుత్వం చేపడుతున్న ప్రాజెక్టులపై సంయమనంతో వ్యవహరించాలన్నారు. వీటి విషయమై అపెక్స్ కౌన్సిల్ దృష్టికి తీసుకువెళ్లడం ఉత్తమమని అభిప్రాయపడ్డారు. ఏకపక్షంగా వ్యవహరించడం తెలంగాణకు సరికాదన్నారు. మహారాష్ట్ర, కర్ణాటక ప్రభుత్వాలు తమ ఇష్టానుసారం ప్రాజెక్టులు నిర్మిస్తుండటంతో దిగువనున్న ఏపి, తెలంగాణకు తీరని నష్టం కలుగుతుందని అన్నారు. బ్రిజేష్‌కుమార్ ట్రిబ్యునల్‌లో రాష్ట్ర హక్కులను సరిగా వినిపించడంలో కాంగ్రెస్ ప్రభుత్వం పూర్తిగా విఫలమైందని అన్నారు. దీనివల్ల మన హక్కులు దెబ్బతినే పరిస్థితి ఏర్పడిందన్నారు. ఈ సమయంలో ఏపిలో ప్రతిపక్షనేత వైఎస్ జగన్మోహన్‌రెడ్డి బాధ్యతగా వ్యవహరించకుండా తెలంగాణలో తమ పార్టీవారికి కాంట్రాక్ట్‌లు ఇప్పించుకుంటూ ఏపిలో విమర్శలు చేయడం దారుణమన్నారు.
కాగా తీర్మానం ప్రవేశపెట్టిన రేవూరి ప్రకాశ్‌రెడ్డి మాట్లాడుతూ కెసిఆర్ ప్రభుత్వం ప్రజలను మభ్యపెట్టి కలకాలం అధికారంలో కొనసాగడానికి కుయుక్తులు పన్నుతోందని ఆరోపించారు. ఉమ్మడి రాష్ట్రంగా ఉన్నప్పుడు వెనుకబడిన ప్రాంతమైన తెలంగాణను అభివృద్ధి పరచడానికి ప్రత్యేక దృష్టి సారించింది టిడిపి ప్రభుత్వమే అన్నారు. అయితే రీ డిజైన్ పేరుతో కెసిఆర్ మహారాష్ట్ర, కర్ణాటక రాష్ట్ర ప్రభుత్వాలతో కుమ్మక్కై ప్రజలకు తీరని ద్రోహం తలపెడుతున్నారన్నారు. తెలంగాణ సెంటిమెంట్‌తో అధికారంలోకి వచ్చిన కెసిఆర్ తిరిగి నీటి ప్రాజెక్టుల సెంటిమెంట్‌తో ప్రజలను మభ్యపెట్టే ప్రయత్నం చేస్తున్నాడని అన్నారు. కాలయాపన చేయడం ద్వారా 2019లో కూడా అధికారంలోకిరావచ్చని కలలు కంటున్నారని అన్నారు.
కర్ణాటక ప్రభుత్వం అల్మట్టి ప్రాజెక్టు ఎత్తును 524 మీటర్ల ఎత్తుకు పెంచుతోందని, మహారాష్ట్ర బాబ్లీతోసహా అనేక ప్రాజెక్టులు కడుతున్నారని టిడిపి ఆనాడే హెచ్చరించిందని అన్నారు. అనధికారికంగా 450 ప్రాజెక్టులు
అనధికారికంగా కట్టారని చెబుతున్న కెసిఆర్ వారిని నిలువరించేందుకుగాని, కేంద్రానికి ఫిర్యాదు చేసేందుకు గాని ప్రయత్నించలేదన్నారు. కృష్ణా, గోదావరి జలాల పంపిణీకి మహారాష్ట్ర, కర్ణాటక రాష్ట్రప్రభుత్వాలు ట్రిబ్యునల్ నిబంధనలు అతిక్రమిస్తున్న నేపథ్యంలో తెలుగు రాష్ట్రాలు కలసి పోరాడాల్సి ఉండగా వారితో ఒప్పందాలు కుదుర్చుకోవడం బాధ్యతారాహిత్యమన్నారు. ఎన్నికలకు ముందు ప్రాణహిత, చావెళ్ళ ప్రాజెక్టులు జాతీయ ప్రాజెక్టులు కావాల్సిందేనని కెసిఆర్ చెప్పారని, అయితే నేడు రీ డిజైన్ చేస్తూ కాళేశ్వరం ప్రాజెక్టుగా మార్పు చేస్తున్నారన్నారు. తద్వారా తుమ్మడిహట్టి, ఎల్లంపల్లి ప్రాజెక్టును మేడిగడ్డ, ఎల్లంపల్లికి మార్చడం ద్వారా అదిలాబాద్‌కు మాత్రమే పరిమితమై వ్యయం పెరుగుతుందన్నారు. గతంలో ప్రాజెక్టుకు 38వేల 500 కోట్లు కాగా రీ డిజైన్ చేసే 84వేల కోట్లు ఖర్చు అవుతుందని ఇది వారు కాంట్రాక్టర్లతో కుమ్మక్కై నిధులు స్వాహా చేయడానికే ఉపయోగపడుతుందన్నారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.