రాష్ట్రీయం
కొత్త కొలువులు వస్తున్నాయ్
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, మే 28: తెలంగాణ రాష్టవ్యాప్తంగా సూక్ష్మ, చిన్న, మధ్య తరహా పరిశ్రమలు వచ్చే ఆరు నెలల వ్యవధిలో భారీ సంఖ్యలో ఉద్యోగులను నియమించనున్నాయి. ఈ రంగంలో మొత్తం కొత్త ఉద్యోగుల సంఖ్య గణనీయంగా పెరగనుందని, సుమారు 72శాతం ఉద్యోగాలు పెరుగుతాయని టిఎంఐ నిర్వహించిన సర్వేలో తేలింది. హైదరాబాద్ కేంద్రంగా గత పాతికేళ్లుగా మానవ వనరుల సేవలు అందిస్తున్న టిఎంఐ ఈఏడాది ఏప్రిల్‌లో నిర్వహించిన సర్వేలో ఈ విషయం తేలింది. ప్రతి త్రైమాసికంలో పెద్ద కార్పొరేట్ కంపెనీల్లో ఉద్యోగ సృష్టి ఎలా ఉందన్న విషయమై సర్వేలు వస్తూనే ఉన్నాయని, దేశంలో అత్యధికంగా ఉద్యోగాలిస్తున్న ఎంఎస్‌ఎంఇ సెక్టారులో కొత్త ఉద్యోగాల అందుబాటుపై ఈ సర్వే అవగాహన కల్పించిందని టిఎంఐ ఎండి టి మురళీధరన్ పేర్కొన్నారు. వచ్చే ఆరు నెలల వ్యవధిలో కొత్త ఉద్యోగాలు ఉండబోవని 28 శాతం యాజమాన్యాలు పేర్కొనగా, 72శాతం మంది మాత్రం కొత్త ఉద్యోగులను తీసుకునే ఆలోచన ఉందని పేర్కొన్నారు. 91శాతం మంది గత ఆరు నెలలతో పోలిస్తే నియామకాల సంఖ్య పెరిగిందన్నారు. ప్రారంభ, మధ్యస్థాయిల్లో కొత్త ఉద్యోగాలు అధికంగా ఉండనున్నాయని, ఈ రెండు విభాగాల్లో 77 శాతంమేర కొత్త ఉద్యోగాలకు అవకాశం ఉందన్నారు. ఇంకా చెప్పాలంటే 40 శాతం ఎంట్రీ లెవెల్, 37 శాతం మిడ్ లెవెల్ పొజిషన్‌లో ఉద్యోగాలు రానున్నాయని, 18 శాతం సీనియర్ లెవెల్, 5 శాతం టాప్ మేనేజిమెంట్ స్థాయి ఉద్యోగాలు వస్తాయని నివేదిక వివరించింది. డిప్లొమో చేస్తే చాలు ఉద్యోగాలు ఇస్తాం అంటూ 67 శాతం యాజమాన్యాలు పేర్కొనడం ఆశ్చర్యకరం. సేల్స్, మార్కెటింగ్ విభాగాల్లో సరైన ఉద్యోగులను విధుల్లోకి తీసుకోవడం కష్టతరంగా ఉందని 34 శాతం మంది వెల్లడించారు. ఆపై అకౌంట్ ప్రొఫెషనల్స్, కస్టమర్ కేర్ ఎగ్జిక్యూటివ్‌ల లభ్యత కష్టంగా ఉందని పేర్కొన్నారు. ఎంఎస్‌ఎంఇ సెక్టారులో భారీస్థాయిలో ఉద్యోగ అవకాశాలు దగ్గర కానున్నాయని, ఫ్రెషర్స్‌తో పాటు మూడు నుండి ఏడేళ్ల అనుభవమున్న ప్రొఫెషనల్స్ సరైన అవకాశాలు అందుకోనున్నారని నివేదిక వివరించింది. అంతర్గత రిఫరెన్స్ ద్వారా ఉద్యోగులను తీసుకోవడం ఉత్తమమని 43.1 శాతం యాజమాన్యాలు పేర్కొన్నాయి.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.