రాష్ట్రీయం
రాజధానిలో అన్న విగ్రహం
S ,7 à 8 RSCA (si SASPAS) et 6 cialis pharmacie cialis rapports de stage.
తిరుపతి, మే 28: పేద, బడుగు, బలహీన వర్గాల సంక్షేమంకోసం తన జీవితాన్ని త్యాగం చేసిన మహానేత ఎన్‌టి రామారావుకు భారతరత్న ఇవ్వాలని టిడిపి జాతీయ అధ్యక్షుడు, సిఎం చంద్రబాబు నాయుడు కేంద్ర ప్రభుత్వానికి విజ్ఞప్తి చేశారు. ఈ మేరకు మహానాడులో తీర్మానాన్ని ప్రవేశపెట్టారు. తిరుపతిలో జరుగుతున్న మహానాడులో రెండోరోజైన శనివారం తెలంగాణ సీనియర్ నేత మోత్కుపల్లి నరసింహులు మాట్లాడుతూ దళితులు, గిరిజనులకు ఎంతో ప్రాధాన్యత ఇస్తున్న చంద్రబాబు అమరావతిలో 125 అడుగుల అంబేద్కర్ విగ్రహాన్ని ఏర్పాటు చేస్తుండటం గొప్ప విషయమన్నారు. అయితే ప్రజా సంక్షేమమే లక్ష్యంగా, తెలుగు భాషా పరిరక్షణే ధ్యేయంగా పనిచేసిన తెలుగుదేశం పార్టీ వ్యవస్థాపకుడు దివంగత ఎన్‌టిఆర్ విగ్రహాన్ని కూడా అమరావతిలో ఏర్పాటుచేయాలని కోరారు. ఆ తరువాత మాట్లాడిన ఎంపి మురళీమోహన్ ఎన్‌టిఆర్ నటుడుగా, రాజకీయ నాయకుడిగా ప్రజలకు ఎంతో చేశారన్నారు. ఈ క్రమంలో ఆయనకు భారతరత్న ఇవ్వాలని కేంద్రాన్ని కోరాలన్నారు. అనంతరం ముఖ్యమంత్రి చంద్రబాబు మాట్లాడుతూ మనం కృష్ణుడిని చూడలేదని, ఇతర దేవుళ్ళను చూడలేదని అయితే ఎన్‌టిఆర్ ఏ దేవతామూర్తి పాత్ర వేసినా ఆ దేవుడు ఇలానే ఉంటాడనే భావన ప్రజలకు కలిగిందని అన్నారు. అందుకే ఎన్‌టిఆర్‌ను ప్రజలు దైవసమానుడిగా చూసుకుని పూజించారన్నారు. అలాంటి యుగ పురుషుడికి భారతరత్న ఇవ్వాలని మహానాడులో తీర్మానం చేస్తున్నామన్నారు. ఎన్‌టిఆర్ పేరు ఒక సంచలనమని, తెలుగువారి ఆత్మగౌరవాన్ని కాపాడిన వ్యక్తి అని కొనియాడారు. అందుకే 35వ మహానాడులో 35 మీటర్లు అంటే 115.5 అడుగుల ఎత్తున్న ఎన్‌టిఆర్ విగ్రహాన్ని రాష్ట్ర రాజధాని అమరావతిలో ఏర్పాటు చేయాలని తీర్మానం చేస్తున్నామని ఇందుకు కార్యకర్తలు ఆమోదం తెలపాలని కోరారు. సమాజమే దేవాలయం-ప్రజలే దేవుళ్లు అని తన సిద్ధాంతాన్ని ఎలుగెత్తిన చాటిన ఎన్‌టిఆర్ ఆశయ సాధన దిశగా తాను పనిచేస్తున్నానని చెప్పారు. అందుకే పేదరికం లేని సమాజం టిడిపి లక్ష్యమన్నారు. ఎన్‌టిఆర్ ముఖ్యమంత్రిగా ఉన్నప్పుడు శ్రీవారి దర్శనార్థం తిరుమలకు వచ్చే భక్తులకు ఉచిత అన్నదానం ఏర్పాటు చేయాలని టిటిడిని నిర్దేశించి, అమలు చేయించారన్నారు. ఆ స్ఫూర్తితోనే పేదలకు అన్నదానం చేయడానికి అన్న క్యాంటీన్లను ప్రారంభిస్తామని సిఎం మహానాడు వేదికపై ప్రకటించారు.
బచావత్ అవార్డు ప్రకారం మిగులు జలాలను సద్వినియోగం చేసుకోవడానికి ప్రాజెక్టుల నిర్మాణాన్ని ప్రారంభించిన ఘనత కూడా ఎన్‌టిఆర్‌కే దక్కుతుందని అన్నారు. అందులో భాగంగానే తెలుగుగంగ, గాలేరు-నగరి, హంద్రి-నీవా, ఆర్ బిసి, మాధవరెడ్డి కెనాల్‌ను ఏర్పాటు చేశారన్నారు. ఆయనలా ప్రతి కార్యకర్తల కష్టపడే మనస్తత్వాన్ని పెంచుకుని, నైపుణ్యాన్ని పెంచుకోవాలన్నారు. తెలుగుదేశం పార్టీకి పేరు పెట్టాలనుకున్నప్పుడు ఒక్క నిమిషం కూడా ఆలోచించకుండా తెలుగుదేశం అని పేరుపెట్టారని, తెలుగుజాతిపై ఆయనకున్న అపారమైన ప్రేమకు నిదర్శనమన్నారు. ఆయన స్ఫూర్తితోనే తాను ముందుకు వెడుతున్నట్లు చెప్పారు. కార్యకర్తలు నాయకులు కూడా ఆ బాటలో నడవాలన్నారు. ఇదిలావుండగా, తిరుపతిలో జరుగుతున్న టిడిపి మహానాడులో రెండోవరోజైన శనివారం ఎన్ టి ఆర్ జయంతిని పురస్కరించుకుని ముందుగా స్థానిక టౌన్‌క్లబ్ జంక్షన్ వద్దవున్న ఎన్‌టిఆర్ విగ్రహానికి హిందూపురం ఎమ్మెల్యే బాలకృష్ణ, మంత్రి బొజ్జల గోపాలకృష్ణారెడ్డిలతో కలసి పాలాభిషేకం చేసి, పూలమాలలు వేసి శ్రద్ధాంజలి ఘటించారు. అనంతరం మహానాడు చేరుకుని వేదిక వద్ద ఉన్న ఎన్‌టిఆర్ విగ్రహానికి పూల మాలవేసి శ్రద్దాంజలి ఘటించారు. అనంతరం బాబు కేక్‌ను కట్ చేసి బాలయ్యకు తినిపిస్తే, బాలయ్య చంద్రబాబు నాయుడికి తినిపించారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.