రాష్ట్రీయం
రైతు అంగీకారం లేకుండా భూమిని చదును చేసిన సిఆర్‌డిఏ
S ,7 à 8 RSCA (si SASPAS) et 6 cialis pharmacie cialis rapports de stage.
గుంటూరు, డిసెంబర్ 8: రాజధాని ప్రాంతమైన లింగాయపాలెంలో భూసమీకరణకు అంగీకార పత్రం ఇవ్వని 7.30 ఎకరాల్లో గల అరటి తోటను సిఆర్‌డిఎ ఆధ్వర్యంలోచదును చేయటంతో పొలం యజమానులు తుళ్లూరు పోలీసుస్టేషన్‌లో కేసు నమోదు చేశారు. గుండపు రాజేష్‌కుమార్, చంద్రశేఖర్, రమణమ్మలకు సంబంధించిన 139ఎ, 139ఎ3, 140,141 సర్వే నెంబర్‌లో ఏడు ఎకరాలా 30 సెంట్ల పొలం ఉంది. అందులో అరటి తోట వేసినట్లు రాజేష్‌కుమార్ తెలిపారు. పంట చేతికి వచ్చే సమయంలో సిఆర్‌డిఎ సిబ్బంది పర్యవేక్షణలోమంగళవారం రాత్రి ట్రాక్టర్లతో చదును చేయటంతో సుమారు 20 లక్షల రూపాయల నష్టం వాటిల్లిందన్నారు. పూర్వీకుల నుంచి వారసత్వంగా వస్తున్న పొలాన్ని భూసమీకరణకు ఇవ్వటం ఇష్టంలేక వ్యవసాయం చేసుకుంటున్నామన్నారు. సిఆర్‌డిఎ అధికారులు కావాలని తమ పొలాన్ని చదును చేశారని ఆరోపించారు. తమకు జరిగిన నష్టం చెల్లించాలని డిమాండ్ చేశారు. పోలీసుస్టేషన్‌లో ఫిర్యాదు చేసిన రాజేష్ కుటుంబ సభ్యులు నేరుగా సిఆర్‌డిఎ కార్యాలయం చేరుకుని ఆందోళన వ్యక్తం చేశారు. సిఆర్‌డిఎ అధికారి చెన్నకేశవరావును కలిసి తమకు జరిగిన అన్యాయాన్ని తెలియజేశారు. నేషనల్ గ్రీన్ ట్రిబ్యునల్‌లో కేసు వేసిన శ్రీమన్నారాయణ బాధితులతో కలిసి సిఆర్‌డిఎ కార్యాలయం చేరుకున్నారు. పర్యావరణ అనుమతులు ఉన్నప్పటికీ భూములను దునే్న అనుమతి ప్రభుత్వానికి లేదన్నారు. అయినప్పటికీ ప్రభుత్వం భూములు చదును చేస్తోందని ఆరోపించారు. ట్రిబ్యునల్‌లో వేసిన కేసు వాదోపవాదనలు జరిగిన తరువాత వాయిదా వేయటం జరిగిందన్నారు. పర్యావరణ అనుమతులు ఉన్నట్లు అధికారులు వెల్లడించారన్నారు. అయితే వాదనలు విన్న ట్రిబ్యునల్ ఐదుగురితో కూడిన ధర్మాసనం వేసిందన్నారు.
సిఆర్‌డిఏ అధికారితో మాట్లాడుతున్న రైతు రాజేష్, శ్రీమన్నారాయణ
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.