రాష్ట్రీయం
నవంబర్ 23 నుంచి జాతీయ స్థాయి జూనియర్ అథ్లెట్ మీట్
S ,7 à 8 RSCA (si SASPAS) et 6 cialis pharmacie cialis rapports de stage.
తిరుపతి, అక్టోబర్ 22: కేంద్ర క్రీడల శాఖ సూచన మేరకు, రాష్ట్ర ప్రభుత్వ ప్రధానకార్యదర్శి ఎల్‌వి సుబ్రహ్మణ్యం ఆదేశాలతో జాతీయ అంతర్ జిల్లాల జూనియర్ అథ్లెట్ మీట్-2019ని నవంబర్ 23 నుంచి 25వ తేదీ వరకు తిరుపతిలో నిర్వహించాలని జిల్లా అధికారులకు శాప్ ఎండీ, చైర్మన్ కాటమనేని భాస్కర్ తెలిపారు. మంగళవారం స్థానిక శ్రీ పద్మావతి విశ్వవిద్యాలయంలోని సావేరి ఆడిటోరియంలో నిడ్జమ్-2019 ఏర్పాట్లపై ఆయన జిల్లా అధికారులతో సమీక్షించారు. ఈసందర్భంగా ఆయన మాట్లాడుతూ ఈసారి విశాఖ వేదికగా పోటీలు నిర్వహించాలని భావించినా, 2018, డిసెంబర్‌లో 1 నుంచి 3వ తేదీ వరకు జరిగిన నిడ్జమ్ విజయవంతం అయిన కారణంగా అందరి కోరిక మేరకు తిరిగి తిరుపతిని ఎంపిక చేసినట్లు తెలిపారు. క్రీడల నిర్వహణకు నిధుల విషయంలో ఇబ్బందులు లేవని గతంలోకన్నా ఘనంగా నిర్వహించేందుకు యంత్రాంగం సిద్ధంగా ఉండాలని సూచించారు. మన రాష్ట్రానికి సంబంధించిన క్రీడాకారులకు సెంటర్ ఫర్ ఎక్స్‌లెన్స్‌లో శిక్షణ ఇవ్వనున్నామని ఆయన తెలిపారు. 14-17 సంవత్సరాల్లోపు యువత తమ ప్రతిభ నిరూపించుకోవడానికి ఇది ఒక గొప్ప అవకాశమని ఆయన అన్నారు. ఈ సందర్భంగా జిల్లా కలెక్టర్ నారాయణ భరత్ గుప్తా మాట్లాడుతూ 28 రాష్ట్రాల నుంచి 4,500 మంది క్రీడాకారులకు ఆతిధ్యం ఇవ్వడానికి సిద్ధంగా ఉన్నామని చెప్పారు. రవాణా, వసతి, రిసెప్షన్ సెంటర్లు, రేణిగుంట విమానాశ్రయం, రైల్వేస్టేషన్, తిరుపతి సీబీఎస్‌సీలలో ఏర్పాటు కమిటీల ఏర్పాటు, తారకరామ స్టేడియం వేదికగా క్రీడల నిర్వహణకు కావాల్సిన ట్రాక్‌లు ఆర్ అండ్ బితో ఏర్పాటు చేస్తామని చెప్పారు. నగరపాలక సంస్థ కమిషనర్ గిరీషా మాట్లాడుతూ గత నిడ్జమ్ అనుభవాలను దృష్టిలో ఉంచుకుని క్రీడాకారులకు బస ప్రాంతాల్లో స్నానానికి వేడినీళ్లు, ఫిజియోథెరపీ, మెడికల్ టీమ్, భోజన వసతులు ఏర్పాటులో ఎలాంటి ఇబ్బందులు లేకుండా చూస్తామన్నారు. అథ్లెటిక్ ఫెడరేషన్ ఆఫ్ ఇండియా కార్యదర్శి వల్సన్ మాట్లాడుతూ 2018లో నిర్వహించిన దానికన్నా ఈసారి మరింత ఘనంగా నిర్వహించడానికి సహకరించాలని ఆయన అధికారులను కోరారు. జేసీ చంద్రవౌళి మాట్లాడుతూ 4500 మంది క్రీడాకారులకు అతిధ్యంకోసం 1500 మంది అధికారులు, సిబ్బంది, రవాణా సౌకర్యం కోసం బస్సుల ఏర్పాట్లు, క్రీడల సమయంలో వసతి పొందే విద్యాలయాలకు సెలవులు అవసరమని అన్నారు. వీటిని దృష్టిలో ఉంచుకుని మరింత ఘనంగా నిర్వహిస్తామన్నారు. సమావేశం అనంతరం వారు నిడ్జమ్-2019 పోటీలకు వేదికైన ఎస్వీ తారకరామా క్రీడామైదానాన్ని పరిశీలించారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.