రాష్ట్రీయం
గుండెపోటుతో ఖమ్మం ఆర్టీసీ డ్రైవర్ మృతి
S ,7 à 8 RSCA (si SASPAS) et 6 cialis pharmacie cialis rapports de stage.
ఖమ్మం, అక్టోబర్ 20: ఖమ్మం జిల్లా సత్తుపల్లి ఆర్టీసీ డిపోలో డ్రైవర్‌గా పనిచేస్తున్న షేక్ ఖాజామియా(55) ఆదివారం వేకువఝామున గుండెపోటుతో మృతి చెందాడు. తమ న్యాయమైన కోర్కెలు ఆమోదించాలంటూ 15రోజులుగా ఆర్టీసీ కార్మికులు సమ్మె చేస్తున్న నేపథ్యంలో సమస్యలు పరిష్కరించకపోగా ప్రభుత్వం కఠినంగా వ్యవహరిస్తుండటంతో ఉద్యోగం పోతుందేమోననే మనస్తాపంతో ఆయన తీవ్ర ఆందోళనకు గురయ్యారని, దీంతో గుండెపోటుతో మరణించారని ఆర్టీసీ జేఏసీ నాయకులు, ఆయన కుటుంబ సభ్యులు తెలిపారు. ఖాజామియా మృతికి ప్రభుత్వమే బాధ్యత వహించాలని డిమాండ్ చేశారు. ఆంధ్రప్రదేశ్‌లోని జగ్గయ్యపేటకు చెందిన ఖాజామియా ఇంటికి ఆర్టీసీ జేఏసీ నాయకులు వెళ్లి భౌతికకాయంపై పూలమాలలు వేసి నివాళులర్పించారు. ఆయన ఆకస్మిక మృతి పట్ల జేఏసీ నాయకులు సుధాకర్, గడ్డం శ్రీను, సుబ్బారావు సంతాపం తెలిపారు.
చిట్యాలలో..
చిట్యాల: ఆర్టీసీ సమ్మెతో మనస్తాపానికి గురై గుండె పోటుతో నల్లగొండ జిల్లా చిట్యాలకు చెందిన ఉద్యోగి చికిత్స పొందుతూ శనివారం రాత్రి మృతి చెందాడు. సమ్మె కారణంగా ప్రభుత్వం చేస్తున్న ప్రకటనలతో తీవ్ర ఆందోళనకు గురైన చిట్యాల పట్టణ కేంద్రానికి చెందిన గోసుకొండ మల్లయ్య నాలుగు రోజుల క్రితం గుండెపోటుతో ఆసుపత్రి పాలయ్యాడు. కుటుంబ సభ్యులు నార్కట్‌పల్లి కామినేని ఆసుపత్రికి తరలించగా పరిస్థితి విషమించడంతో హైద్రాబాద్ గాంధీ ఆసుపత్రికి తరలించారు. కోమాలోకి వెళ్ళిన మల్లయ్య మృత్యువుతో పోరాడి చివరికి శనివారం రాత్రి తుది శ్వాస విడిచాడు. కుటుంబ సభ్యులు మృతదేహన్ని చిట్యాలకు తీసుకువచ్చి ఆదివారం అంత్యక్రియలు చేశారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.