రాష్ట్రీయం
రివర్స్ టెండరింగ్ నష్టమే
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, ఆగస్టు 13: రివర్స్ టెండరింగ్‌కు వెళ్లడం మంచిది కాదని, దీనివల్ల ప్రాజెక్టు వ్యయం పెరగడమే కాకుండా నిర్మాణంలో జాప్యం జరిగే అవకాశం ఉందని పోలవరం ప్రాజెక్టు అథారిటీ అభ్యంతరం వ్యక్తం చేసింది. పోలవరం ప్రాజెక్టు టెండర్లు రద్దు చేయాలని ఆంధ్రప్రదేశ్ ప్రభుత్వం తీసుకున్న నిర్ణయంతోపాటు రివర్స్ టెండరింగ్‌కు వెళ్లాలన్న ప్రతిపాదనపై మంగళవారం హైదరాబాద్‌లో సమావేశమైన పోలవరం ప్రాజెక్ట్ అథారిటీ అత్యవసరంగా సమావేశమై చర్చించింది. మసాబ్ ట్యాంక్‌లోని కృష్ణా, గోదావరి భవన్‌లో ఐదు గంటలపాటు కొనసాగిన ఈ సమావేశానికి ఆంధ్రప్రదేశ్ నీటి పారుదల శాఖ, కేంద్ర జల సంఘం, పోలవరం ప్రాజెక్టు అథారిటీ అధికారులు పాల్గొని తాజా పరిణామాలపై చర్చించారు. పోలవరం ప్రాజెక్టు టెండర్లను రద్దు చేస్తూ, పనులను ఆపేయాలని కాంట్రాక్టర్‌కు ఏపీ ప్రభుత్వం నోటీస్ ఇవ్వడం, అలాగే రివర్స్ టెండరింగ్‌కు వెళ్లాలని తీసుకున్న నిర్ణయం వల్ల జరిగే లాభనష్టాలపై ప్రధానంగా చర్చించారు. పోలవరం ప్రాజెక్ట్ అథారిటీ చైర్మన్ ఆర్‌కే జైన్ అధ్యక్షతన జరిగిన ఈ సమావేశంలో చర్చించిన విషయాలను ఆయన మీడియాకు వెల్లడించారు. రివర్స్ టెండరింగ్‌తో ప్రాజెక్ట్ వ్యయం పెరగడమే కాకుండా నిర్మాణంలో తీవ్ర జాప్యం జరిగే అవకాశం ఉందని జైన్ అభిప్రాయపడ్డారు. అలాగే పోలవరం ప్రాజెక్టు కాంట్రాక్ట్ ఏజెన్సీ పని తీరు కూడా సంతృప్తికరంగా ఉందని జైన్ కితాబు ఇచ్చారు. పోలవరం ప్రాజెక్ట్‌లో ఇప్పటి వరకు జరిగిన పనులపై సమగ్ర నివేదిక ఇవ్వాలని ఏపీ నీటిపారుదల శాఖను కోరినట్టు తెలిపారు. రివర్స్ టెండరింగ్‌కు వెళ్లాలన్న నిర్ణయంపై పునరాలోచన చేయాలని ఏపీ ప్రభుత్వానికి ప్రాజెక్ట్ అథారిటీ సూచించిందన్నారు. ఈ సమావేశంలో పునర్నిర్మాణం, పునరావసం ప్యాకేజీలపై కూడా చర్చించినట్టు ఆర్ అండ్ ఆర్ ప్రత్యేక అధికారి రేఖారాణి తెలిపారు. సవరించిన అంచనాల ప్రకారం ఆర్ అండ్ ఆర్ ప్యాకేజికి రూ.32 వేల కోట్లు అదనంగా అవసరం అవుతాయని తెలిపారు. ప్రాజెక్టు నిర్వాసితులకు మెరుగైన పునరావాసం కల్పిస్తామన్నారు. పోలవరం ప్రాజెక్టు వచ్చే వరదలపై కూడా చర్చించినట్టు తెలిపారు.
చిత్రం...సమావేశం అనంతరం విలేఖరులతో మాట్లాడుతున్న పోలవరం ప్రాజెక్ట్ అథారిటీ చైర్మన్ ఆర్‌కే జైన్
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.