రాష్ట్రీయం
జల విద్యుత్ కేంద్రం పవర్ కెనాల్‌కు గండి
S ,7 à 8 RSCA (si SASPAS) et 6 cialis pharmacie cialis rapports de stage.
వై.రామవరం, ఆగస్టు 12: తూర్పు గోదావరి జిల్లా వై.రామవరం మండలంలోని డొంకరాయి ఏపీ జెన్కో జల విద్యుత్ ఉత్పత్తి కేంద్రం పవర్ కెనాల్‌కు సోమవారం తెల్లవారుజామున భారీ గండి పడింది. డొంకరాయి జలవిద్యుత్ కేంద్రంలో 25 మెగావాట్ల విద్యుత్ ఉత్పత్తి అనంతరం పవర్ కెనాల్ ద్వారా 4500 క్యూసెక్కుల నీరు పోర్‌బే రిజర్వాయరు ద్వారా పొల్లూరు జలవిద్యుత్ కేంద్రానికి వెళ్లి, మరో 440 మెగావాట్ల విద్యుత్ ఉత్పత్తి అవుతుంది. అయితే ఈ పవర్ కెనాల్ నుండి నీరు వెళ్లే సమయంలో గండి పడింది. డొంకరాయి పోలీసు స్టేషన్ పక్కనుండే పవర్ కెనాల్ వెళుతుండటంతో రాత్రి విధుల్లో ఉన్న పోలీసు సిబ్బంది గండి కారణంగా వస్తున్న నీటి శబ్ధాన్ని విని, సంఘటనా స్థలానికి చేరుకుని పరిశీలించారు. గండి సమాచారాన్ని ఏపీ జెన్కో అధికార్లకు అందించారు. వెంటనే ఏపీ జెన్కో ఎగ్జిక్యూటివ్ ఇంజినీర్ విఎల్ రమేష్, సిబ్బంది స్పందించి, డొంకరాయి జలవిద్యుత్ కేంద్రంలో విద్యుత్ ఉత్పత్తిని నిలిపివేయడంతోపాటు పవర్ కెనాల్ గేట్లను మూసివేశారు. దీనితో ప్రవాహ ఉద్ధృతి తగ్గి, డొంకరాయి గ్రామానికి ముప్పుతప్పింది. కాగా గండి పడిన ప్రదేశంలో పక్కనే కొండవాగు ఉండటంతో పవర్ కెనాల్ నుండి ఉద్ధృతంగా వస్తున్న నీరంతా ఆ కొండవాగులోకి చేరింది. దీనితో డొంకరాయి గ్రామానికి పెద్ద ముప్పుతప్పింది. కొండవాగు పక్కనే కాక మరో ప్రాంతంలో గండిపడివుంటే డొంకరాయి గ్రామం పూర్తిగా జలమయమై వుండేది. ఇప్పటికే గండి కారణంగా డొంకరాయి మార్కెట్ పరిసరాల్లోకి నీరుచేరింది.
డొంకరాయి, పొల్లూరు విద్యుత్ కేంద్రాల్లో ఉత్పత్తి నిలిచిపోవడంతో ఏపీ జెన్కోకు కోట్లాది రూపాయల నష్టం వాటిల్లే అవకాశముంది. ఈ విషయమై ఈఈ రమేష్‌ను వివరణ కోరగా, గండి వేగంగా పూడ్చడానికి చర్యలు తీసుకుంటున్నామన్నారు.కాగా గండి పూడ్చడానికి సమారు నెల రోజులు పట్టవచ్చని సమాచారం. గత కొద్ది రోజులుగా కురుస్తున్న భారీ వర్షాల కారణంగా నిరంతరాయంగా జరుగుతున్న నీటి విడుదల కారణంగా ఈ గండి పడివుండవచ్చని భావిస్తున్నారు.
చిత్రం...డొంకరాయి పవర్ కెనాల్‌కు గండి పడిన ప్రదేశం
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.