రాష్ట్రీయం
మద్యం బంద్
S ,7 à 8 RSCA (si SASPAS) et 6 cialis pharmacie cialis rapports de stage.
విజయవాడ, డిసెంబర్ 8: రాష్ట్ర వ్యాప్తంగా సంచలనం సృష్టించిన విజయవాడ స్వర్ణబార్ అండ్ రెస్టారెంట్‌లో చోటుచేసుకున్న కల్తీమద్యం ఘటనపై పలు కోణాల్లో విచారణ తీవ్ర స్థాయిలో కొనసాగుతోంది. ఈ నేపథ్యంలో కృష్ణలంక ప్రాంత ఎక్సైజ్ సిఐ వెంకటరమణను సస్పెండ్ చేసేందుకు జిల్లా ఎక్సైజ్ సూపరింటెండెంట్ ప్రభుత్వానికి ప్రతిపాదన పంపించారు. ప్రస్తుతం ఆయనను విధుల నుంచి తప్పించారు. ముందుజాగ్రత్త చర్యగా రాష్టవ్య్రాప్తంగా ఒరిజినల్ చాయిస్, రాయల్ స్టాగ్, ఓల్డ్ అడ్మిరియల్ బ్రాందీ, బ్యాగ్‌పైపర్, డైరక్టర్ స్పెషల్, ఓల్డ్ ట్రావెన్, ఎంసి విస్కీ, ఎంసి బ్రాందీ, ఇంపీరియల్ బ్లూ మొత్తం తొమ్మిది బ్రాండ్లను అధికారులు సీజ్ చేసారు. వీటి అమ్మకాలను పూర్తిగా నిలిపివేస్తూ శాంపిల్స్ సేకరణలో నిమగ్నమయ్యారు. ఇదిలా ఉండగా, కృష్ణాజిల్లా కలెక్టర్ బాబు ఆదేశాల మేరకు జిల్లాలోని మద్యం దుకాణాలన్నింటిని రెండోరోజైన మంగళవారం కూడా మూసివేశారు. రెవెన్యూ, ఎక్సైజ్ అధికారులు కలిసి ప్రతి దుకాణంలో ఉన్న స్టాక్స్‌ను పరిశీలిస్తున్నారు. రాష్ట్ర డిజిపి జెవి రాముడు, ఎక్సైజ్ కమిషనర్ ఎంకె మీనా వేర్వేరుగా సంఘటనా స్థలాన్ని సందర్శించడంతో పాటు ఆస్పత్రిలో చికిత్స పొందుతున్న బాధితులను పరామర్శించారు. ఈ ఘటనలో ఇప్పటికి మొత్తం 9మందిపై కేసులు నమోదు చేశారు. లైసెన్స్‌దారులైన నలుగురితోపాటు షాపు మేనేజర్, మరో ముగ్గురు సిబ్బందిపై ముందుగా కేసులు దాఖలయ్యాయి. మంగళవారం తెల్లవారుజామున మాజీ ఎమ్మెల్యే మల్లాది విష్ణుపై కూడా కేసు నమోదు చేశారు. ఒక ఆటో డ్రైవర్ ఫిర్యాదు ఆధారంగా సెక్షన్ 328 కింద 9వ నిందితునిగా విష్ణుపై కేసు నమోదైంది. ఉద్దేశపూర్వకంగానే మద్యంను కల్తీచేసి పలువురి ప్రాణాలు హరింపచేసేందుకు కుట్ర పన్నారనే ఆరోపణతో ఈ కేసు దాఖలైంది. కల్తీమద్యం సేవించి మరణించిన ఐదు మృతదేహాలకు మంగళవారం ప్రభుత్వాసుపత్రిలో పోస్టుమార్టం జరిగింది. తదుపరి పరీక్షల నిమిత్తం కొన్ని కీలకమైన శరీర భాగాలను సేకరించి ల్యాబ్‌కు పంపించారు. మృతుల కుటుంబాలకు ప్రభుత్వం తరుపున మంత్రి కొల్లు రవీంద్ర, స్థానిక ఎమ్మెల్యే గద్దె రామ్మోహన్ ఐదు లక్షల రూపాయల చొప్పున ఎక్స్‌గ్రేషియాను అందించారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.