రాష్ట్రీయం
పాఠశాల విద్యలో నీతి బోధనలు
S ,7 à 8 RSCA (si SASPAS) et 6 cialis pharmacie cialis rapports de stage.
* చాగంటి, పట్ట్భారాం, వర్లు, వరప్రసాదరెడ్డిలతో కమిటీ
* ఉత్తర్వులు జారీ చేసిన ప్రభుత్వం
హైదరాబాద్, డిసెంబర్ 7: పాఠశాల విద్యలో విద్యార్ధుల్లో నైతిక విలువలను ప్రబోధించి జీవిత లక్ష్యాలను గమ్యాలను గుర్తుచేసేందుకు తగిన శిక్షణ, నైపుణ్యాలను అందించేందుకు ఆంధ్రప్రదేశ్ ప్రభుత్వం మానవ వనరుల మంత్రి గంటా శ్రీనివాసరావు అధ్యక్షతన ఉన్నత స్థాయి కమిటీని నియమించింది. ఈ కమిటీకి మెంబర్ సెక్రటరీగా పాఠశాల విద్యాశాఖ కమిషనర్ వ్యవహరిస్తారు. కమిటీలో బ్రహ్మశ్రీ చాగంటి కోటేశ్వరరావు, హిప్నాటిస్టు, వ్యక్తిత్వవికాస నిపుణుడు బివి పట్ట్భారాం, డాక్టర్ ఎన్ వి వర్లు, శాంతా బయోటెక్ ఎండి కె వరప్రసాదరెడ్డి సభ్యులుగా ఉంటారు. ఈ కమిటీ పాఠశాల విద్యలో సంస్కరణలకు ప్రణాళికలకు వ్యూహాత్మక విధాన సలహాలను మార్గదర్శకాలను సూచిస్తుంది, అంతర్జాతీయంగా అమలుచేస్తున్న అత్యుత్తమ విధానాలను అధ్యయనం చేసి వాటిపై తమ సలహాలను అందిస్తారు. 22 అంశాలపై ఈ కమిటీ చేసే సూచనలను సలహాలను సైతం ప్రభుత్వం వివరించింది.
సాంస్కృతిక వ్యవహారాల శాఖ డైరక్టర్ పోస్టు ఏర్పాటు
* ఎపి ప్రభుత్వం ఉత్తర్వులు జారీ
హైదరాబాద్, డిసెంబర్ 7: ఆంధ్రప్రదేశ్‌లో సాంస్కృతిక వ్యవహారాల శాఖ డైరక్టర్ పోస్టును సృష్టిస్తూ ఎపి ప్రభుత్వం సోమవారం ఉత్తర్వులు జారీ చేసింది. ఉమ్మడి ఆంధ్రప్రదేశ్‌లో ఉన్న ఈ పోస్టు రాష్ట్ర విభజన సందర్భంగా అధికారితో సహా తెలంగాణ రాష్ట్రానికి కేటాయించబడింది. దీంతో రాష్ట్ర అవసరాల దృష్ట్యా కొత్తగా సాంస్కృతిక శాఖ డైరక్టర్ పోస్టును సృష్టిస్తూ ప్రభుత్వం ఉత్తర్వులు జారీ చేసింది.
ఐఎఎస్‌ల పదోన్నతుల స్క్రీనింగ్‌పై కమిటీ నియామకం
* ఎపి ప్రభుత్వం వెల్లడి * ఇద్దరు పోలీస్ కమాండెంట్ల బదిలీ
హైదరాబాద్, డిసెంబర్ 7: అఖిల భారత సర్వీసు ఉద్యోగులకు సూపర్ టైం స్కేల్‌తో కూడిన పదోన్నతుల కల్పనకు స్క్రీనింగ్ కమిటీని నియమిస్తూ ఎపి ప్రభుత్వం ఉత్తర్వులు జారీ చేసింది. ఈ కమిటీకి ప్రధానకార్యదర్శి చైర్మన్ కాగా, సభ్యులుగా ఆర్థికశాఖ ముఖ్య కార్యదర్శి పి.వి.రమేష్, భూపరిపాలన శాఖ ముఖ్య కమిషనర్ అనిల్‌చంద్ర పునితను నియమిస్తూ ప్రభుత్వం ఉత్తర్వులు జారీ చేసింది.
ఇద్దరు పోలీసు కమాండెంట్ల బదిలీ
ఆంధ్రప్రదేశ్‌లో ఇద్దరు పోలీసు కమాండెంట్లను బదిలీ చేస్తూ ఎపి ప్రభుత్వం ఉత్తర్వులు జారీ చేసింది. ఆర్‌బివిఆర్‌ఆర్ టిఎస్ పోలీసు అకాడమి అసిస్టెంట్ డైరక్టర్‌గా ఉన్న ఎన్.చంద్రవౌళిని కర్నూలు సదరన్ రీజియన్ హోమ్‌గార్డ్సు కమాండెంట్‌గా బదిలీ చేసినట్లు ప్రభుత్వం తెలిపింది. సదరన్ రీజియన్ కమాండెంట్‌గా ఉన్న మూసా బిన్ ఇబ్రహీంను టిఎస్ పోలీసు అకాడమి అసిస్టెంట్ డైరక్టర్‌గా బదిలీ చేసింది.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.