రాష్ట్రీయం
విశాఖ ‘టెక్ మహీంద్ర’లో మరో వెయ్యి ఉద్యోగాలు
S ,7 à 8 RSCA (si SASPAS) et 6 cialis pharmacie cialis rapports de stage.
విజయవాడ, ఏప్రిల్ 4: ఆంధ్రప్రదేశ్‌లో ఐటి రంగ అభివృద్ధికి పూర్తి సహకారాన్ని అందిస్తామని టెక్ మహీంద్ర సిఇఓ సిపి గుర్నానీ చెప్పారు. ముఖ్యమంత్రి చంద్రబాబు నాయుడును విజయవాడలో సోమవారం కలిసిన ఆయన రాష్ట్రంలో ఐటి రంగ అభివృద్ధికి సంబంధించిన అనేక అంశాలపై చర్చించారు. తిరుపతిలో నెలకొల్పనున్న ఇంటర్నేషనల్ ఇన్‌స్టిట్యూట్ ఆఫ్ డిజిటల్ టెక్నాలజీస్ (ఐఐడిటి)లో రొబొటిక్స్ అండ్ ఎనలిటిక్స్ విభాగాన్ని ఏర్పాటు చేస్తామని చెప్పారు. విశాఖ టెక్ మహీంద్ర ఫెసిలిటీ సెంటర్‌లో మరో వెయ్యి మందికి ఉద్యోగాలు ఇవ్వడానికి ఆయన ముందుకొచ్చారు. హైదరాబాద్‌లో స్పల్వకాలంలో హైటెక్ సిటీ నిర్మించి ఇన్ఫర్మేషన్ టెక్నాలజీ రంగాన్ని అభివృద్ధి చేశారని చంద్రబాబును గుర్నానీ అభినందించారు. క్షణం తీరిక లేకుండా పనిచేయడంలో చంద్రబాబు నాయుడిని తాను ఆదర్శంగా తీసుకుంటానని చెప్పారు. ముఖ్యమంత్రి చంద్రబాబు స్పందిస్తూ రాష్ట్రంలో ఐటి రంగం అభివృద్ధికి తీసుకుంటున్న చర్యల గురించి వివరించారు. అభివృద్ధి కార్యక్రమాలు సామాన్యులకు చేరాలంటే సాంకేతిక పరిజ్ఞానం ఎంతగానో ఉపయోగపడుతుందన్నారు. అందుకు తగిన ఆలోచనలతో ప్రణాళికలు సిద్ధం చేయాలని గుర్నానీని సిఎం కోరారు. ముఖ్యమంత్రి కోర్ టీం సలహాదారుల్లో ఒకనిగా ఉండి సేవలు అందించడానికి గుర్నాని అంగీకరించారు. ఈ సమావేశంలో రాష్ట్ర ప్రభుత్వ ఐటి సలహాదారు జెఎ చౌదరి, టెక్ మహీంద్ర ఎగ్జిక్యూటివ్ వైస్ ప్రెసిడెంట్ ఎఎస్ మూర్తి, తదితరులు పాల్గొన్నారు.
చిత్రం ముఖ్యమంత్రి చంద్రబాబుతో సమావేశమైన టెక్ మహీంద్ర సిఇవో గుర్నానీ తదితరులు
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.