రాష్ట్రీయం
హరికృష్ణ హల్‌చల్
S ,7 à 8 RSCA (si SASPAS) et 6 cialis pharmacie cialis rapports de stage.
విజయవాడ, ఏప్రిల్ 2: గత కొంతకాలంగా క్రియాశీల రాజకీయాలకు దూరంగా ఉంటూ వస్తున్న నందమూరి హరికృష్ణ ఒక్క రోజులో మళ్లీ తెరమీదకు వచ్చారు. ఆయన విజయవాడ పర్యటన అటు తెలుగుదేశం పార్టీలో, ఇటు వైఎస్‌ఆర్ కాంగ్రెస్ పార్టీలో చర్చోపచర్చలకు అవకాశం ఇచ్చింది. విజయవాడలో సూపర్ స్పెషాలిటీ వెటర్నరీ ఆసుపత్రి ప్రారంభోత్సవానికి శనివారం హరికృష్ణ హాజరయ్యారు. ప్రస్తుతం వైకాపాలో ఉన్న కొడాలి నానికి హరికృష్ణకు సన్నిహిత సంబంధాలు ఉన్నాయి. హరికృష్ణ నగరంలోకి రావడంతో నాని ఆయనను కలిశారు. అంతేకాదు... ఆసుపత్రి ప్రారంభోత్సవ కార్యక్రమానికి వీరిద్దరూ కలిసి ఒకే కారులో వచ్చారు. అంతే.. ప్రసార మాధ్యమాలు ఈ కలయికపై రకరకాల కథనాలు ప్రసారం చేశాయి. ఇదే సభలో వేదికపై రాష్ట్ర యువజన కాంగ్రెస్ అధ్యక్షుడు దేవినేని అవినాష్ కూడా హరికృష్ణతో సన్నిహితంగా మెలిగారు. ఇది మరింత చర్చనీయాంశమైంది. హరికృష్ణను వైకాపాలోకి రావల్సిందిగా ఆ పార్టీ అధినేత చాలాకాలం కిందటే ఆహ్వనించినట్టు భోగట్టా. ఒకానొక దశలో హరికృష్ణ కూడా అందుకు సుముఖత వ్యక్తం చేసినట్టు తెలిసింది. హరికృష్ణను కొడాలి నాని కలవడంతో తాజాగా ఈ అంశం మరోసారి తెరపైకి వచ్చింది.
త్వరలోనే మన రాష్ట్రానికి సంబంధించి నాలుగు రాజ్యసభ సీట్లు ఖాళీ అవుతున్నాయి. టిడిపికి మూడు, వైకాపాకు ఒక స్థానం దక్కనుంది. ఇప్పటికే వైకాపాకు రానున్న ఒక సీటును విజయసాయిరెడ్డికి ఇవ్వబోతున్నట్టు సమాచారం. అవకాశం ఉంటే రెండో స్థానాన్ని దక్కించుకునేందుకు వైకాపా పావులు కదుపుతోంది. ఇందుకోసం హరికృష్ణను బరిలోకి దించాలన్న ఆలోచన చేస్తోందన్న కథనాలు తెరకెక్కాయి. హరికృష్ణతో నాని భేటితో ఈ కథనానికి మరింత బలం చేకూరినట్టయింది. హరికృష్ణ పార్టీలోకి వస్తే, రాజ్యసభ సీటు ఇవ్వలేకపోయినా, బాగా చూసుకుంటామంటూ ఆపార్టీకి చెందిన ఓ ఎమ్మెల్యే వ్యాఖ్యానించడం గమనార్హం. ఆపరేషన్ ఆకర్ష్ పేరుతో వైకాపా ఎమ్మెల్యేలకు టిడిపి గాలం వేస్తున్న నేపథ్యంలో ఎన్టీఆర్ కుటుంబం నుంచి హరికృష్ణను తమ పార్టీలోకి చేర్చుకోవడం ద్వారా బాబుకు షాక్ ఇవ్వాలన్నది జగన్ వ్యూహమని రాజకీయ విశే్లషకులు భావిస్తున్నారు. అయితే హరికృష్ణ వైకాపాలోకి వెళతారా? టిడిపిలోనే కొనసాగుతారా? అన్న ప్రశ్నలకు జవాబు లభించాలంటే కొంతకాలం వేచి చూడాలి.
ఇదిలా ఉండగా హరికృష్ణతో భేటీ అయిన నాని టిడిపిలోకి వెళతారా? అంటూ కేవలం కొద్ది గంటల్లోనే ముమ్మర ప్రచారం సాగింది. దీనిపై నాని స్పష్టత ఇచ్చారు. తాను ఎప్పటికీ జగన్ వెంటే ఉంటానని, పార్టీ మారే ఉద్దేశం లేదని చెప్పుకొచ్చారు. హరికృష్ణతో తనకున్న సన్నిహిత సంబంధాలతోనే ప్రారంభోత్సవ కార్యక్రమానికి హాజరయ్యానని ఆయన స్పష్టం చేశారు.
చిత్రం హరికృష్ణ పర్యటనలో పాల్గొన్న గుడివాడ వైసిపి ఎమ్మెల్యే కొడాలి నాని
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.