రాష్ట్రీయం
పదవుల పందేరం
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, ఏప్రిల్ 2: నామినేటేడ్ పోస్టుల భర్తీకి ఉగాది పండుగ నుంచి శ్రీకారం చుట్టడానికి ప్రభుత్వం సన్నద్ధం అవుతోంది. టిఆర్‌ఎస్ ప్రభుత్వం అధికారంలోకి వచ్చి దాదాపు రెండు సంవత్సరాలకు దగ్గర పడుతుండటంతో ఇక నామినేటేడ్ పోస్టుల భర్తీలో ఏమాత్రం తాత్సారం చేయవద్దని ముఖ్యమంత్రి కె చంద్రశేఖర్‌రావు భావిస్తున్నట్టు పార్టీ వర్గాల సమాచారం. గత ఏడాది నుంచి వీటిని భర్తీ చేయాలని ముఖ్యమంత్రి భావించినప్పటికీ ఏదో ఒక అవాంతరం ఎదురుపడటంతో ఎప్పటికప్పుడు వాయిదా వేస్తూ వచ్చారు. అయితే గ్రేటర్ హైదరాబాద్ మున్సిపల్ కార్పొరేషన్, గ్రేటర్ వరంగల్ మున్సిపల్ కార్పొరేషన్, ఖమ్మం మున్సిపల్ కార్పొరేషన్‌తో పాటు ఇతర స్థానిక సంస్థల ఎన్నికలతో పాటు బడ్జెట్ సమావేశాలు కూడా ముగియడంతో ఇక పోస్టుల భర్తీ పట్ల ముఖ్యమంత్రి దృష్టి సారించారు. జిల్లాస్థాయిలో వ్యవసాయ మార్కెట్ కమిటీ పాలకవర్గాలకు, జిల్లా గ్రంధాలయాల కమిటీ చైర్మన్, దేవాలయాల పాలక వర్గాలకు ఎంపిక చేసే బాధ్యతలను పార్టీ జిల్లా బాధ్యులు, సంబంధిత జిల్లా మంత్రుల సమన్వయంతో ప్రతిపాదనలు పంపించాలని ముఖ్యమంత్రి ఇప్పటికే ఆదేశించారు. అయితే శాసనసభ బడ్జెట్ సమావేశాల వల్ల బిజీగా ఉండిపోయిన మంత్రులు ఆ దిశగా కసరత్తు చేయలేకపోయారు. ఈ సమావేశాల తర్వాత జిల్లాలకు వెళ్లిన మంత్రులు నామినేటేడ్ పోస్టుల భర్తీకి కసరత్తు ప్రారంభించినట్టు తెలిసింది. జిల్లా స్థాయి నామినేటేడ్ పోస్టులు మినహాయించి రాష్టస్థ్రాయిలో భర్తీ చేయాల్సిన పోస్టులు నలబై వరకు ఉంటాయని ప్రాథమిక అంచన. వీటిలో కనీసం 15 నుంచి 20 కార్పొరేషన్ చైర్మన్ పోస్టులు కేబినేట్ హోదా కలిగి ఉన్నాయి. వీటి భర్తీకి ముఖ్యమంత్రి కెసిఆర్ ఇప్పటికే ఒక నిర్ణయానికి వచ్చారని, అయితే పార్టీ ముఖ్యనేతలతో కూడా ఒక్కసారి చర్చించాక ప్రకటించాలని భావిస్తున్నట్టు తెలిసింది. కేబినేట్ హోదా కలిగిన కార్పొరేషన్ చైర్మన్ పోస్టులలో పార్లమెంటరీ కార్యదర్శులుగా పని చేసిన వారికి మొదటి ప్రాధాన్యతలో నియమించాకే ఇతరులకు అవకాశం కల్పించాలని ముఖ్యమంత్రి భావిస్తున్నట్టు తెలిసింది. పార్లమెంటరీ కార్యదర్శులుగా ఆరుగురు ఎమ్మెల్యేలను నియమించగా, వారి ఎంపికను హైకోర్టు కొట్టివేసిన సంగతి తెలిసిందే. దీంతో వారికి నామినేటేడ్ పోస్టుల భర్తీలో ప్రాధాన్యత ఇవ్వబోతున్నట్టు పార్టీ ముఖ్యుల వద్ద ముఖ్యమంత్రి అభిప్రాయపడినట్టు సమాచారం. పార్లమెంటరీ కార్యదర్శులుగా దాస్యం వినయ్‌భాస్కర్, గాదరి కిషోర్‌కుమార్, జలగం వెంకట్రావు, శ్రీనివాస్‌గౌడ్, కోవా లక్ష్మి, సతీష్‌కుమార్ ఆరుగురిని నియమించిన విషయం తెలిసిందే. వీరందరికీ ప్రాధాన్యత కలిగిన కార్పొరేషన్ చైర్మన్ పోస్టుల్లో నియమించిన తర్వాతనే ఇతరులకు అవకాశం ఇవ్వాలని ముఖ్యమంత్రి భావిస్తున్నట్టు తెలిసింది. ఇవ్వేకాకుండా తెలంగాణ డ్రింకింగ్ వాటర్ సప్లై కార్పొరేషన్ (టిడిడబ్ల్యుఎస్‌సి) చైర్మన్‌గా నిజామాబాద్ జిల్లా బాల్కొండ ఎమ్మెల్యే వేముల ప్రశాంత్‌రెడ్డిని నియమించే విషయం దాదాపు ఖరారు అయినట్టేనని పార్టీ వర్గాల సమాచారం. పార్టీ వ్యవహారాల పిఆర్వోగా పని చేసిన శ్రవణ్‌కుమార్‌రెడ్డికి, అలాగే పార్టీ పొలిట్ బ్యూరో సభ్యునిగా ఉన్న ఎర్రోళ్ల శ్రీనివాస్‌కు నామినేటేడ్ పోస్టు ఇవ్వడం దాదాపు ఖరారు అయినట్టు తెలిసింది. వీరితో పాటు గత ఎన్నికల్లో వివిధ సమీకరణల వల్ల పార్టీ టిక్కెట్ దక్కని నేతలకు నామినేటేడ్ పోస్టుల్లో అవకాశం ఇవ్వనున్నట్టు ముఖ్యమంత్రి స్వయంగా హామీ ఇచ్చిన వారిలో 20 నుంచి 25 మంది దాకా ఉన్నారని తెలిసింది. వీరందరికి కూడా ప్రాధాన్యతా క్రమంలో ఉగాది నుంచి నామినేటేడ్ పోస్టుల్లో నియమించడానికి ముఖ్యమంత్రి కసరత్తు ప్రారంభించినట్టు పార్టీ వర్గాల సమాచారం.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.