రాష్ట్రీయం
సార్వత్రిక సమ్మెకు కేసీఆర్ నాయకత్వం వహించాలి
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, జనవరి 7: దేశవ్యాప్తంగా ఈ నెల 8వ తేదీన జరుగుతున్న సార్వత్రిక సమ్మెకు తెలంగాణ ముఖ్యమంత్రి కేసీఆర్ నాయకత్వం వహించాలని సీపీఐ జాతీయ కార్యదర్శి డాక్టర్ కే నారాయణ అన్నారు. మఖ్దూం భవన్‌లో మంగళవారం నాడు ఏర్పాటు చేసిన మీడియా సమావేశంలో ఆయన రాష్ట్ర కార్యదర్శి చాడ వెంకటరెడ్డి, జాతీయ కార్యవర్గ సభ్యుడు అజీజ్‌పాషాలతో కలిసి మాట్లాడారు. కేంద్రప్రభుత్వ రైతాంగ, కార్మిక విధానాలకు వ్యతిరేకంగా దేశవ్యాప్తంగా సమ్మె జరుగుతోందని, దీనిపై ముఖ్యమంత్రి కేసీఆర్ తన వైఖరి చెప్పాలని అన్నారు. తెలంగాణ ప్రజల హక్కులను కేంద్ర ప్రభుత్వం వద్ద పణంగా పెడతారా? లేదా పోరాడతారా అనేది స్పష్టం చేయాలని పేర్కొన్నారు. బీజేపీ రెండో సారి అధికారంలోకి వచ్చిన తర్వాత రాజ్యాంగ ఉల్లంఘనలకు పాల్పడుతోందని , సీఏఏకు వ్యతిరేకంగా దేశవ్యాప్తంగా ఆందోళనలు జరుగుతున్నాయని, 31మందికి పైగా ఈ ఉద్యమాల్లో చనిపోయారని, సీఏఏకు వ్యతిరేకంగా ఓటు వేసిన టీఆర్‌ఎస్ పార్టీ రాష్ట్రంలో మాత్రం ఆందోళనలను అణచివేస్తున్నారని అన్నారు. టీఆర్‌ఎస్ వైఖరిని ఇప్పటికైనా స్పష్టం చేయాలని అన్నారు. మున్సిపల్ ఎన్నికల్లో బీజేపీని ఓడించడమే లక్ష్యంగా వామపక్షాలు, కలిసి వచ్చే లౌకిక పార్టీలతో కలిసి పోటీ చేస్తామని, జిల్లా స్థాయిలో సర్దుబాట్లు జరుగుతున్నాయని పేర్కొన్నారు.
జేఎన్‌యూ ఘటనను ప్రస్తావిస్తూ ఈ దాడిపై న్యాయ విచారణ జరిపించాలని నారాయణ డిమాండ్ చేశారు. జేఎన్‌యూ అమానుష ఘటనపై ప్రపంచవ్యాప్తంగా నిరసనలు వ్యక్తమవుతున్నాయని, ఆమ్నెస్టీ ఇంటర్నేషనల్‌సైతం స్పందించిందని అన్నారు. వీసీని వెంటనే బర్త్ఫ్ చేయాలని, ఢిల్లీ పోలీసు కమిషనర్‌నూ బర్త్ఫ్ చేయాలని నారాయణ డిమాండ్ చేశారు. పకడ్బందీ సెక్యూరిటీ ఉండే యూనివర్శిటీల్లో గుర్తింపు కార్డులేని వారిని వీసీ అనుమతి లేనిదే ఎవరినీ అనుమతించరని అలాంటిది 50 మంది ముసుగులు ధరించిన వారు యూనివర్శిటీలోకి ఎలా ప్రవేశించారని నిలదీశారు. కన్హయ్య కుమార్‌పై దేశద్రోహం కేసు పెట్టారని, ఓ మైనార్టీ రీసెర్చి స్కాలర్ మూడేళ్లుగా కనిపించడంలేదని అనేకమంది నేతలపైనా ప్రొఫెసర్లపైనా ఆంక్షలు విధించారని గుర్తుచేశారు.
'చిత్రం...సమావేశంలో మాట్లాడుతున్న సీపీఐ రాష్ట్ర కార్యదర్శి చాడ వెంకటరెడ్డి, జాతీయ కార్యదర్శి నారాయణ, జాతీయ కార్యవర్గ సభ్యుడు అజీజ్‌పాషా
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.