రాష్ట్రీయం
సినీరంగ సమస్యలు, డిమాండ్లపై చిరంజీవి, నాగార్జునతో మంత్రి భేటీ
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్: ముఖ్యమంత్రి కేసీఆర్ ఆదేశాల మేరకు సినిమాటోగ్రఫీ శాఖ మంత్రి తలసాని శ్రీనివాస్ యాదవ్ మంగళవారం సినీరంగ ప్రముఖులు చిరంజీవి, నాగార్జునతో సమావేశమయ్యారు. ఈ చిరంజీవి ఇంట్లో జరిగిన ఈ సమావేశంలో తెలుగు సినిమా పరిశ్రమకు సంబంధించిన పలు అంశాలపై చర్చించినట్టు మంత్రి తలసాని తెలిపారు. ఆన్‌లైన్ టికెటింగ్ విధానం అమలు, శంషాబాద్‌లో సమీపంలో అంతర్జాతీయ ప్రమాణాలతో కూడిన ఫిల్మ్ ఇన్సిస్టిట్యూట్‌కు స్థలం కేటాయించాలని వారు కోరినట్టు మంత్రి తెలిపారు. సినీ పరిశ్రమలో 24 విభాగాలకు చెందిన కార్మికులు, సాంకేతిక నైపుణ్యాన్ని పెంచడానికి శిక్షణ కేంద్రం ఏర్పాటు చేయాల్సిన అవసరం ఉందని కోరారని తెలిపారు. సినిమా టికెట్ల రెట్ల సరళీకృత విధానాన్ని అమలు చేయాలని సూచించినట్టు చెప్పారు. చిత్రపురి కాలనీ పక్కన సినీ కార్మికులకు ఇళ్లు నిర్మించడానికి 10 ఎకరాల స్థలం కేటాయించాలని కోరినట్టు వివరించారు. సినీ కార్మికులు, కళాకారుల కోసం సాంస్కృతిక కేంద్రం ఏర్పాటు కోసం జూబ్లీహిల్స్‌లో మరో 2 ఎకరాలు కేటాయించాలని చిరంజీవి, నాగార్జున కోరినట్టు చెప్పారు. అదే విధంగా సినీ, టీవీ కళాకారులకు ఫిలిం డవలప్‌మెంట్ కార్పొరేషన్ ద్వారా గుర్తింపు కార్డులు జారీ చేయాలని, సినీ అవార్డుల ప్రదానం, ప్రభుత్వం అమలు చేస్తోన్న సంక్షేమ కార్యక్రమాలను సినీ కార్మికులకు వర్తింప చేయాలని, ఇఎస్‌ఐ సౌకర్యం కల్పించాలని, గ్రూప్ ఇన్స్‌రెన్స్ అమలు చేయాలని ప్రతిపాదించినట్టు మంత్రి తలసాని పేర్కొన్నారు. సినిమా షూటింగ్‌లకు ముందే ఫిలిం డవలప్‌మెంట్ కార్పొరేషన్‌లో రిజిస్టర్ చేసుకునేలా చర్యలు తీసుకోవాలని కోరారని తెలిపారు. చిత్రపురి కాలనీలో ప్రస్తుతం అందుబాటులో ఉన్న స్థలంలో హాస్పిటల్, స్కూల్ నిర్మించడానికి దాతలు ముందుకు వస్తే వారి పేర్లపైనే నిర్మించనున్నట్టు మంత్రి తెలిపారు. చిత్రపురి కాలనీలో మంచినీరు, రోడ్లు, బస్సు సౌకర్యం తదితర సమస్యలను పరిష్కరించినట్టు చెప్పారు. ఇప్పటికే అనేక పర్యాయాలు సినీ ప్రముఖులు, చిత్రపురి కాలనీ బాధ్యులతో సమావేశమై పలు సమస్యలను తెలుసుకున్నట్టు మంత్రి చెప్పారు. ఈ నెల 2వ వారంలో సినీరంగ ప్రముఖులు, సంబంధిత అధికారులతో సమావేశమై సమస్యలపై మరింత వివరంగా చర్చించాలని నిర్ణయించినట్టు తెలిపారు. ఈ సమావేశంలో మంత్రి తలసానితో పాటు ఫిలిం డవలప్‌మెంట్ మాజీ చైర్మన్ రామ్మోహన్‌రావు, ఎగ్జిక్యూటివ్ డైరెక్టర్ కిషోర్‌బాబు, నిర్మాత నిరంజన్‌రెడ్డి తదితరులు పాల్గొన్నారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.