రాష్ట్రీయం
5 జిల్లాల్లో వెయ్యి సోలార్ పంపుసెట్లు
S ,7 à 8 RSCA (si SASPAS) et 6 cialis pharmacie cialis rapports de stage.
ఈపిడిసిఎల్ సిజిఎం రమేష్ ప్రసాద్
విశాఖపట్నం, డిసెంబర్ 5: సోలార్ పంపుసెట్ల వాడకం రోజురోజుకీ పెరుగుతున్నందున విద్యుత్ ఆదా అవుతోందని ఈస్ట్రన్ పవర్ డిస్ట్రిబ్యూషన్ కంపెనీ (ఈపిడిసిఎల్) చీఫ్ జనరల్ మేనేజర్ (కమర్షియల్) బి రమేష్‌ప్రసాద్ తెలిపారు. విశాఖలోని సంస్థ సూపరింటెండెంట్ ఇంజనీర్ కార్యాలయంలో శనివారం నిర్వహించిన విలేఖరుల సమావేశంలో ఆయన మాట్లాడుతూ సంస్థ పరిధిలోకి వచ్చే ఐదు జిల్లాలకు సంబంబంధించి 1452 సోలార్ వ్యవసాయ పంపుసెట్ల ఏర్పాటు చేయాలని లక్ష్యంగా పెట్టుకోగా, ఇప్పటికే వెయ్యి పంపుసెట్లు అందుబాటులోకి వచ్చాయన్నారు. మిగిలిన 452 పంపుసెట్లన త్వరితగతిన ఏర్పాటు చేసేందుకు చర్యలు తీసుకుంటున్నామన్నారు. విశాఖపట్నం జిల్లాలో 277, విజయనగరంలో 303, శ్రీకాకుళంలో 120, తూర్పుగోదావరికి సంబంధించి 242, పశ్చిమగోదావరి జిల్లాలో 44 సోలార్ వ్యవసాయ పంపుసెట్లను మంజూరు చేసామన్నారు. ఇవి కాకుండా మరో వెయ్యి సోలార్ పంపుసెట్లను మంజూరు చేయాలని లక్ష్యంగా పెట్టుకున్నామన్నారు. దశలవారీగా వీటిని ఏర్పాటు చేసేందుకు కార్యాచరణ సిద్ధమైందన్నారు. ఈపిడిసిఎల్ పరిధిలో సోలార్ పంపుసెట్లకు రైతుల నుంచి విశేష ఆదరణ లభిస్తున్నందున వీటిని కోరిన అందరికీ మంజూరు చేసేందుకు తమ సంస్థ సిద్ధంగా ఉందన్నారు. అవసరమైన పత్రాల సమర్పిస్తే ఎటువంటి జాప్యం లేకుండా పంపుసెట్ల మంజూరు చేస్తున్నట్టు చెప్పారు. ఎక్కువగా 5హెచ్‌పి పంపుసెట్ల కోసం దరఖాస్తులు వస్తున్నాయని, దీనికి కేవలం 55వేలు చెల్లిస్తే సరిపోతుందన్నారు. 1452 సోలార్ పంపుసెట్లు పూర్తిస్థాయిలో అందుబాటులోకి వస్తే నెలకు వెయ్యి యూనిట్ల వంతున ఏడాది మొత్తంపై 12 వేల యూనిట్ల విద్యుత్‌ను ఆదా చేయవచ్చన్నారు. అలాగే వ్యవసాయ క్షేత్రాల్లో విద్యుత్ లైన్లను నిర్మించాల్సిన అవసరం రాదన్నారు. సోలార్ వ్యవసాయ పంపుసెట్ల వినియోగంపై అవగాహన కల్పించేందుకు జిల్లాలవారీగా ప్రత్యేక కార్యక్రమాలను నిర్వహిస్తున్నామన్నారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.