రాష్ట్రీయం
పవర్‌లిఫ్టింగ్ చాంపియన్‌షిప్ పోటీలకు ఏలేటి అశిష్
S ,7 à 8 RSCA (si SASPAS) et 6 cialis pharmacie cialis rapports de stage.
ఇందూర్, నవంబర్ 30: ప్రస్తుతం ఆస్ట్రేలియాలో తన కుటుంబంతో కలిసి నివాసముంటూ వైద్య విద్యను అభ్యసిస్తున్నప్పటికీ, భారతీయ మూలాలు కలిగి ఉండి నిజామాబాద్ జిల్లాకు చెందిన యువకుడైన ఏలేటి అశిష్ పవర్ లిఫ్టింగ్ ప్రపంచ చాంపియన్‌షిప్ పోటీలకు ఎంపికవడంతో స్థానిక క్రీడాకారుల్లో హర్షాతిరేకాలు వ్యక్తమవుతున్నాయి. 2016 జూన్‌లో అమెరికాలో జరుగనున్న ప్రపంచ చాంపియన్‌షిప్ పోటీలకు ఆయన ఆస్ట్రేలియా నుండి ప్రాతినిథ్యం వహించనున్నారు. 23 ఏళ్ల వయస్సు, 93కిలోల బరువు కేటగిరిలో అశిష్ తలపడనున్నాడు. బాల్కొండ మండలం వెంచిర్యాల గ్రామానికి చెందిన ఏలేటి వినోద్, ఏలేటి ఉమశ్రీల సంతానం అశిష్. వృత్తిరీత్యా డాక్టర్ అయిన ఏలేటి వినోద్ గత చాలాకాలం క్రితమే ఆస్ట్రేలియాలోని సిడ్నీలో స్థిరపడ్డారు. ఈ క్రమంలోనే ఏలేటి అశిష్ కూడా ఆస్ట్రేలియాలోనే తన విద్యాభ్యాసం కొనసాగించాడు. ప్రస్తుతం ఆయన క్విన్స్‌ల్యాండ్‌లోని బాండ్ యూనివర్శిటీలో మెడిసిన్ కోర్సును అభ్యసిస్తున్నాడు. అయితే ఆస్ట్రేలియాలో అత్యంత ఆదరణ ఉన్న పవర్ లిఫ్టింగ్ క్రీడపై ఆసక్తిని ఏర్పర్చకున్న అశిష్ అంచెలంచెలుగా ఎదుగుతూ ప్రస్తుతం ఆ దేశం తరఫున ప్రపంచ చాంపియన్‌షిప్ పోటీలలో పాల్గొనేందుకు అర్హత సాధించడంతో ఆయన మూలాలు ఉన్న వెంచిర్యాల గ్రామంలోనే కాకుండా జిల్లాకు చెందిన క్రీడాకారులు హర్షం వ్యక్తం చేస్తున్నారు. అంతర్జాతీయ పవర్ లిఫ్టింగ్ సమాఖ్య ఆమోదించిన తొలి భారతీయ మూలాలు కలిగి ఉన్న క్రీడాకారుడిగా అశిష్ అరుదైన ఘనతను సొంతం చేసుకున్నాడు. పవర్ లిఫ్టింగ్‌తో పాటు రగ్బీలోనూ ప్రవేశం ఉన్న అశిష్ తాను విద్యనభ్యసిస్తున్న యూనివర్శిటీ జట్టు తరఫున ఈ ఆటలో ప్రాతినిథ్యం వహించడం విశేషం. వచ్చే ఏడాది జూన్‌లో అమెరికాలో జరుగనున్న పవర్ లిఫ్టింగ్ ప్రపంచ చాంపియన్ షిప్ పోటీల్లో ఆయన అద్భుత ప్రతిభను కనబర్చాలని ఆశిద్దాం.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.