రాష్ట్రీయం
వాటర్ గ్రిడ్‌పై అఖిలపక్షం నిర్వహించాలి
S ,7 à 8 RSCA (si SASPAS) et 6 cialis pharmacie cialis rapports de stage.
మాజీ మంత్రి డాక్టర్ నాగం డిమాండ్
హైదరాబాద్, నవంబర్ 30: వాటర్ గ్రిడ్‌పై అఖిలపక్ష సమావేశాన్ని నిర్వహించాలని బచావో తెలంగాణ మిషన్ వ్యవస్థాపక అధ్యక్షుడు, మాజీ మంత్రి డాక్టర్ నాగం జనార్దన్ రెడ్డి ముఖ్యమంత్రి కె. చంద్రశేఖర్ రావును డిమాండ్ చేశారు. అఖిలపక్ష సమావేశంలో వాటర్ గ్రిడ్ గురించి వివరించాలని, అన్ని పార్టీల సలహాలు, సూచనలు తీసుకోవాలని ఆయన సోమవారం మిషన్ నాయకులు యోగీశ్వర్‌రెడ్డి, అంజిరెడ్డితో కలిసి విలేఖరుల సమావేశంలో మాట్లాడుతూ అన్నారు. రీ-డిజైనింగ్ గురించి మాట్లాడుతున్న ముఖ్యమంత్రి ఇప్పటికే నిర్మాణంలో ఉన్న 33 ప్రాజెక్టుల సంగతేమిటో చెప్పాలని డాక్టర్ నాగం డిమాండ్ చేశారు. 33లో కేవలం 3 ప్రాజెక్టులు మాత్రమే పూర్తయ్యాయని అన్నారు. రీ-డిజైనింగ్ కాదు రీ-దోపిడీ అని ఆయన విమర్శించారు. రాష్ట్రంలో సుమారు 350 మండలాల్లో కరవు విలయతాండవం చేస్తుండగా రాష్ట్ర ప్రభుత్వం 231 మండలాల్లోనే కరవు ఉన్నట్లు ప్రకటించి చేతులు దులుపుకున్నదని ఆయన విమర్శించారు. కరవు తీవ్రం గా ఉన్న మండలాలను ఆదుకునేదెవరని ఆయన ప్రశ్నించారు. దీంతో 9 జిల్లాల నుంచి వలసలు ప్రారంభమయ్యాయని అన్నారు. వలసల నివారణకు ప్రభుత్వం తీసుకున్న చర్యలేమిటని ఆయన ప్రశ్నించారు. ఇప్పటి వరకు తొమ్మిది జిల్లాల్లో 1690 మంది రైతులు ఆత్మహత్య చేసుకుంటే ప్రభుత్వం కేవలం 313 మంది కుటుంబాలకు మాత్రమే సహాయం అందించిందని ఆయన తెలిపారు. మిగతా కుటుంబాలకు ఆర్థిక సహాయం ఎప్పుడు అందిస్తారని ఆయన ప్రశ్నించారు. కరవు తీవ్రంగా ఉన్నందున 3 వేల రూపాయల చొప్పున కరవు భత్యం ఇవ్వాలని, నిరుద్యోగులకు వెయ్యి రూపాయల చొప్పున భృతి ఇవ్వాలని ఆయన రాష్ట్ర ప్రభుత్వాన్ని డిమాండ్ చేశారు. బచావో తెలంగాణ మిషన్ నాయకుడు, మాజీ ఎమ్మెల్యే యెన్నం శ్రీనివాస్ రెడ్డి రాజీనామా చేయడం గురించి ప్రశ్నించగా, యెన్నంకు ఏమి మిషన్ ఉందో తనకు తెలియదంటూ డాక్టర్ నాగం దాట వేశారు. ముఖ్యమంత్రి కెసిఆర్ వరంగల్ ఓటర్లకు మాయ మాటలు చెప్పి ఉప ఎన్నికల్లో టిఆర్‌ఎస్ అభ్యర్థిని గెలిపించుకున్నారని ఆయన మరో ప్రశ్నకు సమాధానంగా అన్నారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.