రాష్ట్రీయం
ఇద్దరు మావోయిస్టుల అరెస్ట్
S ,7 à 8 RSCA (si SASPAS) et 6 cialis pharmacie cialis rapports de stage.
భద్రాచలం, డిసెంబర్ 6: చత్తీస్‌గఢ్ దంతెవాడ పోలీసులు ఆదివారం ఇద్దరు కరుడుగట్టిన మావోయిస్టులను అరెస్ట్ చేశారు. వీరిద్దరిపై రూ. 5 లక్షల రివార్డు ఉంది. బస్తర్ ఐజీ కల్లూరి, దంతెవాడ ఎస్పీ కమలోచన్ కశ్యప్ తెలిపిన వివరాల ప్రకారం లూదార్ తామో(26) మాఢ్ ప్రాంతంలోని ఇంద్రావతి ఏరియా పరిధిలోకి వచ్చే ఆదేర్ కమిటీ డిప్యూటీ కమాండర్‌గా పనిచేస్తున్నాడు.
ఇతను పార్టీ పనిపై గీదం వచ్చినపుడు స్థానిక పోలీసులు అదుపులోకి తీసుకున్నారు. లొంగిన మావోయిస్టుల ద్వారా ఇతనిని గుర్తించారు. 2005-08 వరకు మిలీషియాలో పనిచేసిన తామో 2008 నుంచి ఇప్పటి వరకు ఇంద్రావతి ఏరియాలో డిప్యూటీ కమాండర్‌గా పనిచేస్తున్నాడని ఐజీ వెల్లడించారు. అరెస్ట్ అయిన మరో మావోయిస్టు జనతన సర్కారు ద్వారా నడుస్తున్న పాఠశాల ఉపాధ్యాయుడు. ఇడమా అలియాస్ నికిల్ కిష్టారం ఏరియా కమిటీలో పనిచేస్తున్నాడు. చిన్నతనంలోనే ఇతను నక్సల్స్ ఉద్యమానికి ఆకర్షితుడై దళంలోకి వెళ్లాడు. గొల్లపల్లి, కిష్టారం ఏరియాల్లో ఇతను పనిచేస్తున్నాడు. చిన్నారులను తీసుకెళ్లి వారికి పాఠాలు చెప్పడం, తర్వాత ఉద్యమంలోకి తీసుకెళ్లడం ఇతని పని. తరుచూ భద్రాచలం ప్రాంతానికి వెళ్లడం దళాలకు కావాల్సిన వస్తువులు తీసుకురావడం వంటి కార్యక్రమాలు కూడా చేస్తూండేవాడని పోలీసులు తెలుపుతున్నారు. ఇతనిపై కూడా రూ.5లక్షల రివార్డు ఉందని ఐజీ కల్లూరి తెలిపారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.