రాష్ట్రీయం
జంటనగరాల్లో పదివేల సిసి కెమెరాలు
S ,7 à 8 RSCA (si SASPAS) et 6 cialis pharmacie cialis rapports de stage.
ఐటి శాఖ మంత్రి కెటిఆర్ వెల్లడి
హైదరాబాద్, డిసెంబర్ 19: తెలంగాణ ప్రభుత్వం రాష్ట్రంలో శాంతి భద్రతల పరిరక్షణకు కట్టుబడి ఉందని, జంటనగరాల్లో పదివేల సిసి కెమెరాలు ఏర్పాటు చేయదలచామని పంచాయతీరాజ్, ఐటి శాఖ మంత్రి కె తారకరామారావు తెలిపారు. శనివారం చందానగర్ పోలీసు స్టేషన్ పరిధిలో 77 కమ్యూనిటీ సిసి కెమెరాలను ఆయన ప్రారంభించారు. ఆధునిక టెక్నాలజీతో హైదరాబాద్ నగరం విశ్వనగరంగా రూపాంతరం చెందుతుందన్నారు. త్వరలో మెట్రో రైలును నగర శివారులకు కూడా విస్తరింపజేయనున్నట్టు చెప్పారు. అదేవిధంగా నగరంలో ఒక గూగుల్ సెంటర్‌ను కూడా ఏర్పాటు చేయనున్నట్టు గూగుల్ సిఇఓ సుందర్ పిచ్ఛయ్ ప్రకటించారన్నారు. అభివృద్ధి వైపు పయనిస్తున్న తెలంగాణ ప్రభుత్వాన్ని కొందరు ప్రతిపక్ష నేతలు విమర్శిస్తున్నారని అది సమంజసం కాదన్నారు. అనేక ప్రజా సంక్షేమ పథకాలతో ముందుకెళ్తున్న టిఆర్‌ఎస్ ప్రభుత్వం ప్రజావిశ్వాసం పొందిందన్నారు. విశ్వనగరం విజన్‌గా ముందుకెళ్తున్న తమ ప్రభుత్వం వౌలిక వసతులతోపాటు ఉపాధి కల్పనకు కృషి చేస్తుందన్నారు. రాష్ట్రంలో వేలాది మందికి ఉద్యోగాలు ఇస్తున్న తెలంగాణ రాష్ట్రం దేశంలోనే ఆదర్శంగా నిలువనుందన్నారు. అదేవిధంగా ముఖ్యమంత్రి చంద్రశేఖర్‌రావు నగరంలో 36 మోడల్ మార్కెట్లు నిర్మించేందకు చర్యలు తీసుకుంటున్నారని, మంచినీటి సరఫరా కోసం 30టిఎంసి సామర్థ్యం గల రెండు రిజర్వాయర్లను ఏర్పాటు చేయనున్నారని మంత్రి కెటిఆర్ చెప్పారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.