రాష్ట్రీయం
తిరుమలపై అసత్య ప్రచారాలు బాధాకరం
S ,7 à 8 RSCA (si SASPAS) et 6 cialis pharmacie cialis rapports de stage.
* జెఇఒ శ్రీనివాసరాజు
తిరుమల, నవంబర్ 24: గత కొద్దిరోజులుగా కురిసిన వర్షాల నేపధ్యంలో తిరుమలలో వరదనీరు చేరి ఆలయం మునిగిపోయిందని, ఘాట్ రోడ్డులో భారీగా బండరాళ్ళు జారిపడుతున్నాయంటూ సోషల్ మీడియాలో ఫోటో మార్ఫింగ్‌తో జరుగుతున్న అసత్య ప్రచారాలను శ్రీవారి భక్తులు నమ్మవద్దని తిరుమల జె ఇ ఓ శ్రీనివాసరాజు కోరారు. మంగళవారం తిరుమల శ్రీవారి ఆలయం ముందు ఆయన విలేఖరులతో మాట్లాడుతూ సోషల్ మీడియాలో తిరుమల్లోని శ్రీవారి ఆలయం నీళ్లలో ఉండిపోయిందని, ఘాట్ రోడ్డులో జారిపడుతున్న బండరాళ్లు భక్తుల మీద పడిపోతున్నట్లుగా జరుగుతున్న ప్రచారం 99శాతం అవాస్తమన్నారు. ఇలాంటి అసత్య ప్రచార వల్ల భక్తులు తిరుమలకు రాని పరిస్థితి ఏర్పడుతుందన్నారు. ఇది కోట్లాది మంది శ్రీవారి భక్తులకు ఆవేదన కలిగించే అంశమన్నారు. ఇలాంటి అసత్య ప్రచారాల వల్ల ఎవరికీ ఏమీ ఒరిగేదిలేదన్నారు. సోషల్ మీడియా కాకుండా టిటిడి అధికారిక వెబ్ సైట్ ద్వారా ఎప్పటికప్పుడు పూర్తి సమాచారం తెలుసుకోవాలని ఆయన భక్తులకు సూచించారు. ఎవరూ భయాందోళనలకు గురికాకుండా తిరుమలకు వచ్చి శ్రీవారిని దర్శించుకోవచ్చని చెప్పారు. తిరుమలేశుని ఆలయంలో కురిసిన వర్షం నీరు బయటకు పంపడానికి ఆధునిక డ్రెయిన్‌లైన్స్ కూడా ఏర్పాటు చేశామన్నారు. ఘాట్ రోడ్డులోని కొన్ని ప్రాంతాల్లో బండరాళ్ళు జారిపడుతున్న చోట పూర్తిస్థాయిలో మరమ్మతులు చేసి మూడు రోజుల్లో పూర్తిస్థాయిలో వాహనాలను తిరుమలకు అనుమతిస్తామన్నారు. ప్రతి సంవత్సరం తిరుమలలో 136 సెం.మీ. వర్షపాతం కురిస్తే ఈ సారి నవంబర్ మాసానికే 193 సెం.మీ.వర్షపాతం నమోదైందని చెప్పారు. దీంతో తిరుమలలోని జలాశయాలు నిండాయని, హెయిర్ పిన్స్ వద్ద బండరాళ్ళు జారిపడటం ఆందోళన కలిగించిందన్నారు. అయితే ఈ పరిస్థితిని పూర్తిస్థాయిలో అధిగమించడానికి నిరంతరం కృషి చేసిన టిటిడి విజిలెన్స్, సెక్యూరిటీ, ఇంజినీరింగ్,్ఫరెస్ట్ విభాగం అధికారులు, సిబ్బందిని ఈ సందర్భంగా జెఇఓ శ్రీనివాసరాజు అభినందించారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.