రాష్ట్రీయం
చత్తీస్‌గఢ్‌లో ఎన్‌కౌంటర్
S ,7 à 8 RSCA (si SASPAS) et 6 cialis pharmacie cialis rapports de stage.
మావోయిస్టు మృతి * డంప్ స్వాధీనం చేసుకున్న పోలీసులు
భద్రాచలం, నవంబర్ 26: ఛత్తీస్‌గఢ్ రాష్ట్రంలో గురువారం జరిగిన ఎన్‌కౌంటర్‌లో ఒక మావోయిస్టు మృతి చెందగా పలువురు తప్పించుకున్నారు. సంఘటన ప్రదేశంలో డంప్‌ను స్వాధీనం చేసుకున్నట్లు ఐజీ కల్లూరి ప్రకటించారు. ఇటీవల నూతనంగా ఏర్పాటు చేసిన కాంపోజిట్ బలగాలు ఈ నెల 22న బీజాపూర్ జిల్లా ఆవుపల్లి, బాసగూడ, ఊసూరు పోలీసు స్టేషన్ల పరిధిలో వివిధ బృందాలుగా కూంబింగ్ ప్రారంభించాయి.
ఈ నేపథ్యంలో గురువారం గంగులూరు పోలీసుస్టేషన్, బాసగూడ పోలీసుస్టేషన్ పరిధిలోని లెండ్రా, కుర్చోలి అటవీప్రాంతంలో మావోయిస్టులు తారసపడ్డారు. దాదాపు 15 నుంచి 20 మంది మావోయిస్టులు ఈ బలగాలపై కాల్పులకు తెగబడ్డారు. సుమారు 100 రౌండ్లు కాల్పులు జరిగాయి. కాల్పులు జరుపుకుంటూ మావోయిస్టులు పారిపోగా ఎదురు కాల్పులు జరిగిన ప్రాంతంలో ఒక మావోయిస్టు మృతదేహం, 12 బోర్ రైఫిల్ ఒకటి, బర్మా తుపాకీ 1, టిఫిన్‌బాక్స్ బాంబులు, విద్యుత్ తీగల బండిల్, డిటోనేటర్, తూటాలు, నక్సల్స్ డంప్ లభ్యమయ్యాయి. విప్లవ సాహిత్యం కూడా లభించినట్లు ఐజీ తెలిపారు. మరోవైపు బుధవారం దండకారణ్య బంద్‌లో భాగంగా కూంబింగ్ నిర్వహిస్తున్న బలగాలపై దాడులు చేసేందుకు మావోయిస్టులు ప్రయత్నించగా అప్రమత్తమైన జవాన్లు వారిని పట్టుకున్నారు.
ఐదుగురు మావోయిస్టులను కటేకల్యాణ్ పోలీసుస్టేషన్ పరిధిలోని అటవీ ప్రాంతంలో అరెస్టు చేసినట్లు ఐజీ కల్లూరి, దంతెవాడ ఎస్పీ కమలోచన్ కశ్యప్ ప్రకటించారు. ఇదిలా ఉండగా బస్తర్ ప్రాంతంలో కొంగోలీ అనే గ్రామంలో 5వ బెటాలియన్‌కు చెందిన జవాన్లు టార్గెట్ ప్రాక్టీస్ చేస్తున్న సమయంలో తుపాకీ మిస్‌ఫైర్ అయింది. ఈ ఘటనలో ఘనశ్యామ్‌దేవ్ అనే జవాన్‌కు గాయపడగా హుటాహుటీన ఆసుపత్రికి తరలించి చికిత్స అందిస్తున్నారు. కొండే అటవీప్రాంతంలో మావోయిస్టుల క్యాంప్‌పై కాంపోజిట్ బలగాలు మెరుపుదాడి చేయగా మావోయిస్టులు తప్పించుకున్నారని బీజాపూర్ ఎస్పీ మనీష్‌శర్మ తెలిపారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.