రాష్ట్రీయం
నిబంధనలు ఉద్యోగులకు వర్తించవా?
S ,7 à 8 RSCA (si SASPAS) et 6 cialis pharmacie cialis rapports de stage.
* డయల్ యువర్ ఇఓలో భక్తురాలి ప్రశ్న
తిరుమల, డిసెంబర్ 4: తిరుమలలో పవిత్రతను కాపాడటం కోసం టిటిడి అమలుచేస్తున్న నిబంధనలు భక్తులకేనా? టిటిడి ఉద్యోగులకు, ఇతరులకు కూడా వర్తిస్తాయా అని బెంగళూరుకి చెందిన అరుణ అనే భక్తురాలు డయల్ యువర్ ఇ ఒ కార్యక్రమంలో ఇ ఒ ను ప్రశ్నించింది. శుక్రవారం తిరుమల్లోని అన్నమయ్య భవన్‌లో డయల్ యువర్ ఇ ఒ కార్యక్రమాన్ని నిర్వహించారు. ఈసందర్భంగా భక్తురాలు అరుణ మాట్లాడుతూ ఆలయ నాలుగు మాడ వీధుల్లో పాదరక్షలతో తిరగవద్దని, తలలో పువ్వులు ధరించవద్దని పవిత్రతను కాపాడమని టిటిడి పెట్టిన నిబంధనను భక్తులు పాటిస్తున్నారని, అయితే టిటిడి భద్రతా సిబ్బంది, పోలీసులు ఇతరులు పాటించడంలేదని తెలిపారు. దీనిని తాము ప్రశ్నిస్తే మేం ఆలయంలోకి వెళ్లడం లేదు.. వెళ్లు అంటూ దురుసుగా సమాధానం చెబుతున్నారని రూల్ ఫర్ ఆల్ కాదా అని ఆమె ఇఒను ప్రశ్నించారు. ఈసందర్భంగా ఇ ఒ డాక్టర్ సాంబశివరావు అనుమతితో సివిఎస్‌ఓ నాగేంద్రకుమార్ మాట్లాడుతూ తిరుమలలో టిటిడి పెట్టిన నిబంధన ప్రతి ఒక్కరికి వర్తిస్తుందని ఇందులో అనుమానం లేదన్నారు. అయితే టిటిడి విజిలెన్స్, భద్రతా సిబ్బంది, పోలీసులు పాదరక్షలతో తిరుగుతున్న విషయం తమ దృష్టికి రాలేదన్నారు. ఇప్పుడు మీరిచ్చిన సమాచారంతో తగిన చర్యలు తీసుకుంటామని అన్నారు. హైదరాబాదుకు చెందిన భవిత అనే మహిళ మాట్లాడుతూ ఆలయంలోకి వెళ్లేందుకు మహిళలకు ప్రత్యేక క్యూలైన్ ఉంటే బాగుంటుందని, అలాగే కంపార్ట్‌మెంట్‌లో దర్శనం ఎప్పుడు అవుతుందో తెలిపే సమాచారాన్ని టివిల్లో డిస్‌ప్లే చేస్తే బాగుంటుందని కోరారు. స్వామివారి వస్త్రం కావాలంటే ఎలా పొందాలో తెలపాలని ఇఓను కోరారు. ఈసందర్భంగా ఇ ఒ సాంబశివరావు మాట్లాడుతూ కుటుంబ సమేతంగా వస్తున్న భక్తులు అందరు కలిసి క్యూలో వెళ్లి స్వామివారిని దర్శించుకోవాలని కోరుకుంటారని, వారిని విడదీయడం సరికాదన్నదే తమ అభిప్రాయమన్నారు. అంతేకాకుండా స్థలాభావం ప్రభావంతో కూడా మరో ప్రత్యేక క్యూలైన్ ఏర్పాటు చేయడం సాధ్యం కాదన్నారు. ఇక దర్శన సమయాన్ని తెలియజేసే విధంగా టైం డిస్‌ప్లేని కంపార్ట్ మెంట్లలోని టి విల్లో చేయిస్తామన్నారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.