రాష్ట్రీయం
‘వచ్చే ఏడాది నుంచి పత్తికి గిట్టుబాటు ధర’
S ,7 à 8 RSCA (si SASPAS) et 6 cialis pharmacie cialis rapports de stage.
వరంగల్, డిసెంబర్ 7: రాష్ట్రంలోని పత్తి రైతులకు వచ్చే ఏడాది నుండి గిట్టుబాటు ధర పెంపు విషయం కేంద్రం ఆలోచిస్తుందని కేంద్ర జౌళి శాఖ అదనపు కార్యదర్శి పుష్పసుబ్రహ్మణ్యం అన్నారు. రైతు సమస్యలు తెలుసుకునేందుకు సోమవారం వరంగల్ వ్యవసాయ మార్కెట్‌కు వచ్చిన ఆమె ఈ సందర్భంగా విలేఖరులతో మాట్లాడారు. ఈ ఏడాదిలో గిట్టుబాటు ధర ఉండబోదని స్పష్టం చేశారు. ఈ సందర్భంగా మార్కెట్‌లో రైతులకు ఉన్న సౌకర్యాలు, మార్కెట్ పరిస్థితులను పరిశీలించారు. గన్నీ సంచుల్లో తెచ్చిన పత్తిని సైతం కొనుగోలు చేసేందుకు కేంద్ర ప్రభుత్వానికి నివేదిస్తామని ఆమె తెలిపారు. రైతులు తెచ్చిన పత్తి నాణ్యతను బట్టి ధర విషయంలో రైతులను అడిగి తెలుసుకుంటామన్నారు. ఈ సందర్భంగా పలువురు రైతులు వారి గోడును వెల్లబుచ్చుకున్నారు. తాము తెచ్చిన పత్తికి మద్దతు ధర 5వేలు కల్పించాలని విజ్ఞప్తి చేశారు. ఈ సందర్భంగా టెక్స్‌టైల్ కమిషనర్ పుష్పసుబ్రహ్మణ్యం సమీపంలో ఉన్న కలెక్టర్ వాకాటి కరుణ జోక్యం చేసుకొని రైతులతో మాట్లాడారు. పార్లమెంటులో చర్చలు జరుగుతున్నాయని తెలిపారు. తగిన విధంగా ప్రభుత్వం చర్యలు తీసుకుంటుందని వారికి నచ్చచెప్పారు. ఆమె వెంట భారత పత్తి సంస్థ చైర్మన్ డికె మిశ్రా, అడిషనల్ కమిషన్ డైరెక్టర్ లక్ష్మీభాయ్, జెడి ఏ శ్రీనివాస్, కార్యదర్శి రాజునాయక్ తదితరులు ఉన్నారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.