రాష్ట్రీయం
అదనపు నిధులివ్వలేం
S ,7 à 8 RSCA (si SASPAS) et 6 cialis pharmacie cialis rapports de stage.
మార్చివరకూ అడగవద్దని ఆర్థికశాఖ సర్క్యులర్
హైదరాబాద్, నవంబర్ 22: మితిమీరిన ఖర్చులను నియంత్రించేందుకు ఆర్ధిక శాఖ రాష్ట్రంలోని అన్ని శాఖలకూ సర్క్యులర్ జారీ చేసింది. ఇటీవల సిఎం చంద్రబాబు అధ్యక్షతన జరిగిన కేబినెట్ భేటీలో తీసుకున్న నిర్ణయం మేరకు ఆర్ధిక సంవత్సరం ముగిసే వరకు అదనపు నిధుల కోసం ప్రతిపాదనలు పంపొద్దని, నిధుల దుబారాకు చెక్ పెట్టాలని మార్గదర్శకాలు జారీ చేసింది. ఇప్పటికే పంపిన ప్రతిపాదనలకు లోబడి నిధులు ఖర్చు చేయాలని, అదనపు నిధులపై ఆశలు వద్దని సర్క్యులర్‌లో కోరింది. రాష్ట్ర విభజన తర్వాత 16వేల కోట్లు రెవెన్యూ లోటు తలెత్తింది. గత మూడు నెలల్లో ఎడాపెడా నిధులు ఖర్చు పెట్టకుండా ఆర్ధిక శాఖ ఎప్పటికప్పుడు అన్ని శాఖలను హెచ్చరిస్తోంది. సంక్షేమం, అభివృద్ధి నిధులకు కోత విధించకుండా చూస్తున్నట్టు ఆర్ధిక శాఖ వర్గాలు తెలిపాయి. సాధారణంగా కొన్ని శాఖలు అత్యవసర పరిస్థితుల్లో అదనపు నిధులు కావాలని ఆర్ధిక శాఖను కోరతాయి. కానీ పరిమితికి మించి నిధులు కావాలంటే మంజూరు చేసే అవకాశాలు లేవని ఆర్ధిక శాఖ అధికారులు చెబుతున్నారు. రెవెన్యూ లోటునుంచి బయటపడాలంటే కఠినమైన ఆంక్షలు తప్పనిసరిగా అమలు చేస్తామన్నారు. ఈ ఏడాది రాష్ట్ర ప్రభుత్వోద్యోగులకు 43శాతం మేర వేతనాలు పెంచారు. గోదావరి పుష్కరాలు, హుదూద్ తుపాను వ్యయం ఖజానాను మింగేశాయి. గోదావరి పుష్కరాలకు రూ.300 కోట్లు చాలనుకుంటే ఎకాఎకిన రూ.1600 కోట్లు ఖర్చయ్యాయి. హుదూద్ తుపాను బాధితులను ఆదుకునేందుకు రూ.1400 కోట్లు ఖర్చుపెట్టారు. కేంద్రం వెయ్యి కోట్ల రూపాయలు ఇస్తానని హామీ ఇచ్చి, కేవలం రూ.650 కోట్లు ఇచ్చి దులుపుకుంది. అమరావతి రాజధాని శంకుస్ధాపన, అంతకుముందు, ఆ తర్వాత జరిగిన కార్యక్రమాలు, పర్యటనలకు దాదాపు రూ.200 కోట్లు ఖర్చయింది. ఈ ఆర్ధిక సంవత్సరం మరో నాలుగు నెలల్లో ముగుస్తుంది. అందుకే ఆర్ధికంగా ఆంక్షలు విధించి నిధుల దుబారాను నిరోధించేందుకు ప్రభుత్వ శాఖలకు మార్గదర్శకాలు జారీచేసినట్టు ఆర్ధిక శాఖ వర్గాలు పేర్కొన్నాయి.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.