రాష్ట్రీయం
నవ్యాంధ్రలో భారీగా కొత్త నిర్మాణాలు
S ,7 à 8 RSCA (si SASPAS) et 6 cialis pharmacie cialis rapports de stage.
సామర్థ్యం పెంచుకుని సహకరించండి
సిమెంట్ పరిశ్రమలకు చంద్రబాబు విజ్ఞప్తి
ధరల నిర్ధారణకు యనమల అధ్యక్షతన కమిటీ
హైదరాబాద్, నవంబర్ 28: రాష్ట్రంలో మునుపెన్నడూ లేని విధంగా పెద్ద ఎత్తున నిర్మాణాలు జరగనున్నాయని, కనుక సిమెంట్ పరిశ్రమలు సామాజిక బాధ్యతతో వ్యవహరించి ధరల విషయంలో ప్రభుత్వానికి సహకరించాలని ఆంధ్రప్రదేశ్ ముఖ్యమంత్రి ఎన్.చంద్రబాబు నాయుడు విజ్ఞప్తి చేశారు. రాష్ట్ర అభివృద్ధిలో సిమెంట్ పరిశ్రమలదే కీలకపాత్ర అని ప్రభుత్వం గుర్తించిందని, ఎగుమతులు, సముద్ర రవాణా తదితర అంశాల్లో పూర్తి సహకారం అందిస్తుందని చెప్పారు. శనివారం ఆయన హైదరాబాద్‌లో సిమ్మెంట్ కంపెనీ యాజమాన్యాలతో సమావేశమయ్యారు. ఈ సందర్భంగా ముఖ్యమంత్రి మాట్లాడుతూ, ప్రభుత్వ నిర్మాణ అవసరాల గురించి, ధరల విషయంలో అనుసరించాల్సిన విధానం గురించి వివరించారు. బడుగు, బలహీన వర్గాల కోసం రాష్ట్ర ప్రభుత్వం భారీ స్థాయిలో చేపట్టిన గృహనిర్మాణాలకు పెద్ద మొత్తంలో సిమెంట్ అవసరమవుతుందని, ఎన్టీఆర్ హౌసింగ్, హెచ్‌ఎఫ్‌ఎ, హుద్ హుద్ బాధితులకు స్పెషల్ హౌసింగ్, ఎల్‌ఎల్‌ఆర్‌ఎల్ స్కీం కింద కూడా ఇళ్ల నిర్మాణాలు చేపడతామని వివరించారు. 5.26 లక్షల ఇళ్లకు గానూ ప్రతి త్రైమాసికానికి 35,97,869 మెట్రిక్ టన్నుల సిమ్మెంట్ అవసరమని సిఎం తెలిపారు. రాష్ట్రంలో చేపడుతున్న గృహ నిర్మాణాలు దేశానికే ఆదర్శంగా నిలవాలనే లక్ష్యంతో పనిచేస్తున్నట్టు వివరించారు. ప్రభుత్వ అవసరాలకు అందించే సిమెంట్ ధరలు తగ్గినట్టే తగ్గించి బహిరంగ మార్కెట్‌లో సాధారణ వినియోగదారుడికి అందించే సిమెంట్ రేటు పెంచడం సరికాదన్నారు. ప్రతి ఏటా రాష్ట్రంలో ఐదు వేల కిలోమీటర్లు చొప్పున రోడ్ కనెక్టివిటీ ఏర్పరుస్తున్నామని, వీటికోసం కూడా సిమ్మెంట్ అవసరమని చెప్పారు. అలాగే ప్రాజెక్టుల నిర్మాణానికి, కొత్త రాజధాని నిర్మాణానికి సిమెంట్ కావాలని, కనుక కంపెనీలు సామర్ధ్యాన్ని పెంచుకుని సకాలంలో సిమెంట్ సరఫరా చేయాలని చెప్పారు.
ఇదిలావుంటే, సిమెంట్ ధర ఎంత ఉండాలనేది నిర్ధారించేందుకు ముగ్గురు మంత్రులతో కమిటీ వేయనున్నట్టు సిఎం తెలిపారు. ఈ కమిటీలో యనమల రామకృష్ణుడు, అచ్చెన్నాయుడు, పత్తిపాటి పుల్లారావు ఉంటారన్నారు. ఈ సమీక్షలో సిఎంఓ ముఖ్యకార్యదర్శి సతీష్ చంద్ర, పరిశ్రమల శాఖ కార్యదర్శి ఎస్‌ఎస్.రావత్, గృహనిర్మాణ శాఖ కార్యదర్శి లవ్ అగర్వాల్ తదితరులు పాల్గొన్నారు.
జామ్ విధానం ఉత్తమ సంస్కరణ
కేంద్ర ప్రభుత్వం ఇటీవల అమలులోకి తెచ్చిన ‘జామ్’ విధానం దేశంలోనే ఉత్తమమైన సంస్కరణగా సిఎం పేర్కొన్నారు. జన్‌ధన్ వల్ల అందరికీ బ్యాంకింగ్ సేవలు, ఆధార్ వల్ల అర్హులకే సంక్షేమ పధకాలు, మొబైల్ ద్వారా సాంకేతిక విప్లవం సామాన్యుడికి కలిసి వచ్చిందన్నారు. రెవిన్యూ శాఖ చేపట్టిన ‘మీ ఇంటికి-మీ భూమి’ కార్యక్రమం ప్రజలకు ఎన్నో ప్రయోజనాలను చేకూర్చిందన్నారు. ఇంత వరకూ కోటి 80 లక్షల మంది సందర్శకులు ఈ వెబ్‌సైట్‌ను సందర్శించారని, రోజు 75 వేల మంది తమ ల్యాండ్ రికార్డులను తనిఖీ చేసుకుంటున్నారని చెప్పారు. దీని ద్వారా ఇప్పటివరకూ 73 లక్షల ఫిర్యాదులను పరిష్కరించామని, ఇ-గవర్నెన్స్‌లో ఏపి దేశంలోనే నెంబర్ వన్‌గా నిలిచిందని చంద్రబాబు తెలిపారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.