రాష్ట్రీయం
బ్లాక్ డే..ప్రశాంతం
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్‌లో భద్రత కట్టుదిట్టం
చార్మినార్ వద్ద ర్యాలీ
డిజెఎస్ నేతలతోపాటు 50మంది అరెస్టు, విడుదల
హైదరాబాద్, డిసెంబర్ 6: బాబ్రీ మసీదు కూల్చివేతను నిరసిస్తూ కొన్ని సంఘాలు ఇచ్చిన పిలుపుమేరకు ఆదివారం హైదరాబాద్‌లో ‘బ్లాక్ డే’ ప్రశాంతంగా జరిగింది. పాతబస్తీలో పలువురు అనుమానితులను పోలీసులు అదుపులోకి తీసుకున్నారు. ముస్లిం సంఘాలు పలుచోట్ల ఏర్పాటు చేసిన నల్ల జెండాలను పోలీసులు తొలగించారు. చార్మినార్ మక్కా మసీదు వద్ద ర్యాలీ నిర్వహించేందుకు యత్నించిన డిజెఎస్ నేతలు జావిద్, ఖాలీద్‌లతోపాటు 50మందిని అరెస్టు చేశారు. మీర్‌చౌక్ వద్ద మరికొందరిని అదుపులోకి తీసుకొని ఆదివారం సాయంత్రం వ్యక్తిగత పూచీకత్తుపై వదిలిపెట్టినట్టు ఈస్ట్‌జోన్ డిసిపి వి సత్యనారాయణ తెలిపారు. బ్లాక్ డేకు ఒక రోజు ముందే నగరంలోని దాదాపు 150మంది రౌడీ షీటర్లను అదుపులోకి తీసుకొని కౌనె్సలింగ్ నిర్వహించారు. ఎలాంటి అవాంఛనీయ సంఘటనలు జరుగకుండా రెండు తెలుగు రాష్ట్రాల్లో పోలీసులు కుట్టదిట్టమైన భద్రత చర్యలు చేపట్టారు. తెలంగాణలోని హైదరాబాద్ నగరంతో పాటు కరీంనగర్, వరంగల్, ఆదిలాబాద్‌లోని భైంసా, నిర్మల్, నల్గొండ, మహబూబ్‌నగర్‌లలో పోలీసులు గట్టి బందోబస్తును ఏర్పాటు చేశారు. బ్లాక్ డే సందర్భంగా సభలు, సమావేశాలు, ర్యాలీలను నిషేధించారు. ఆంధ్రప్రదేశ్‌లోని గుంటూరు, విజయవాడ, కర్నూలు, ఆదోనిలతోపాటు ప్రధాన మున్సిపాలిటీల్లో కూడా పోలీసులు నిఘా పెంచారు. అనుమానాస్పద వ్యక్తుల పట్ల అప్రమత్తంగా ఉండాలని పోలీసులు ప్రజలకు సూచించారు. సంఘ విద్రోహశక్తుల పట్ల అప్రమత్తంగా ఉండాలని, ఎవరైనా ఎలాంటి అవాంఛనీయ సంఘటనలకు పాల్పడిన ఉపేక్షించేదిలేదని హైదరాబాద్ సౌత్‌జోన్ డిసిపి సత్యనారాయణ హెచ్చరించారు. ముఖ్యంగా పాతబస్తీలో 50మంది సిఐలను, 150మంది ఎస్‌ఐలతోపాటు ఐదువందల మంది కానిస్టేబుళ్లను బందోబస్తుకు కేటాయించారు. ప్రధాన కూడళ్లతోపాటు రైల్వే స్టేషన్లు, ఆర్టీసి బస్సుస్టేషన్లు, విమానాశ్రయాల్లో అదనపు బలగాలను మోహరింపజేశారు. తెలంగాణలోని కరీంనగర్, జహీరాబాద్, జగిత్యాలలో ముస్లింలు ర్యాలీలు నిర్వహిస్తుండగా పోలీసులు అదుపులోకి తీసుకొని సాయంత్రం వ్యక్తిగత పూచీకత్తుపై వదిలిపెట్టారు. ఆంధ్రప్రదేశ్‌లోని ఆధోని, గుంటూరులో శాంతిభద్రతలకు విఘాతం కలిగించే వారి పట్ల అప్రమత్తంగా ఉండాలని ఎవరైనా అనుమానాస్పదంగా సంచరిస్తే సమీపంలోని పోలీసు స్టేషన్‌కు సమాచారం ఇవ్వాలని అదనపు డిజిపి ఆర్‌పి ఠాకూర్ సూచించారు. బ్లాక్ డే సందర్భంగా మతపరమైన ఎలాంటి సమావేశాలకు అనుమతి ఇవ్వలేదు. (చిత్రం) చార్మినార్ మక్కా మసీదు వద్ద ర్యాలీ నిర్వహిస్తున్న డిజెఎస్ కార్యకర్తలు
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.