రాష్ట్రీయం
తిరుమలలో విస్తృతంగా తనిఖీలు
S ,7 à 8 RSCA (si SASPAS) et 6 cialis pharmacie cialis rapports de stage.
బ్లాక్ డే సందర్భంగా అప్రమత్తంగా ఉండాలని కేంద్ర నిఘా వర్గాల హెచ్చరిక
తిరుపతి, డిసెంబర్ 4: బాబ్రీ మసీదు కూల్చివేత నేపధ్యంలో ఆదివారం బ్లాక్‌డే కావడంతో కేంద్ర నిఘా వర్గాల అప్రమత్తంగా ఉండాలని చేసిన హెచ్చరికలతో ఇటు టిటిడి విజిలెన్స్, పోలీస్ యంత్రాంగం అప్రమత్తమయ్యారు. ఇందులో భాగంగా శుక్రవారం తిరుమల, తిరుపతిల్లోని జనసంచారం ఉన్న ప్రధాన ప్రాంతాలతోపాటు, తిరుమలకు వెళ్ళే రెండు కనుమదారులతోపాటు నడక మార్గాలైన అలిపిరి, శ్రీవారి మెట్టు మార్గాలను అణువణువు తనిఖీ చేస్తున్నారు. అనుమానితులను అదుపులోకి తీసుకుని విచారిస్తున్నారు. అర్బన్ ఎస్పీ గోపినాథ్ జెట్టి ఆధ్వర్యంలో తిరుపతి రైల్వే స్టేషన్, బస్‌స్టేషన్‌లతోపాటు తిరుపతి, తిరుచానూరుల్లోని ఆలయాలైన గోవిందరాజస్వామి ఆలయం, కోదండరామాలయం, కపిలతీర్థం, పద్మావతి అమ్మవారి ఆలయం, మంగాపురంలోని కల్యాణ వేంకటేశ్వరస్వామి ఆలయంలో తనిఖీలు చేశారు. తిరుపతిలోకి వచ్చే చెన్నయ్, కర్ణాటక మార్గాల్లోని జాతీయ రహదారుల్లో నాకాబంది నిర్వహిస్తున్నారు. అనుమానితులు ఎవరైనా కనపడినా, అనుమానాస్పద వస్తువులు కనబడినా 100కు సమాచారం ఇవ్వాలని పోలీసులు ప్రజలను అప్రమత్తం చేస్తున్నారు. తిరుమల్లో టిటిడి సివిఎస్‌ఓ నాగేంద్రకుమార్, అదనపు సివిఎస్‌ఓ శివకుమార్‌రెడ్డి ఆధ్వర్యంలో శ్రీవారి ఆలయంలోనే కాకుండా పరిసర ప్రాంతాల్లో తనిఖీలు నిర్వహిస్తున్నారు. బాంబ్ స్క్వాడ్, డాగ్ స్క్వాడ్‌లతో తిరుమల్లో విస్తృతంగా తనిఖీలు నిర్వహిస్తున్నారు. తిరుమల్లో ఉగ్రవాదులు రెక్కీ నిర్వహించారని, సెల్‌ఫోన్లను, కెమెరాలను లాకర్లలో దాచారని, లేపాక్షి సమీపంలోని ఏటిఎంలో డబ్బులు డ్రా చేశారనే ప్రచారాన్ని సివిఎస్‌ఓ ఖండించారు. డిసెంబర్ 6న బ్లాక్‌డే కావడంతో దేశంలోని ప్రధాన నగరాలను, ఆలయాలను నిఘావర్గాలు అప్రమత్తం చేస్తాయని అందులో భాగంగానే తిరుమల్లో పోలీసులతో కలిసి తనిఖీలు చేస్తున్నట్లు చెప్పారు. భక్తులను భయభ్రాంతులకు గురిచేసే విధంగా తప్పుడు ప్రచారాలు చేస్తే చట్టపరమైన శిక్షలు ఎదుర్కొవలసి ఉంటుందని ఆయన హెచ్చరించారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.