రాష్ట్రీయం
తెలుగు రాష్ట్రాల్లో ‘ఆటా’ సేవా కార్యక్రమాలు
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, డిసెంబర్ 5: తెలుగు జాతి వైభవాన్ని సంస్కృతి, సంప్రదాలను భావితరాలకు చాటి చెప్పేలా అమెరిన్ తెలుగు అసోసియేషన్ (ఆటా) వచ్చే సంవత్సరం రజతోత్సవ వేడుకలను ఘనంగా నిర్వహించేందుకు సన్నాహాలను ప్రారంభించినట్లు నిర్వాహకులు వెల్లడించారు. శనివారం నగరంలో ఏర్పాటు చేసిన విలేఖర్ల సమావేశంలో ‘ఆటా’ అధ్యక్షుడు కరుణాకర్‌రెడ్డి అసిరెడ్డి మాట్లాడుతూ ఈ నెల 7 నుంచి 20వ తేదీ వరకు రెండు తెలుగు రాష్ట్రాలు ఆంధ్రప్రదేశ్, తెలంగాణల్లో ప్రత్యేక సేవా కార్యక్రమాలను నిర్వహించనున్నట్లు తెలిపారు. ఉచిత వైద్య ఆరోగ్య శిబిరాలు, విద్యా సదస్సులు, మహిళా సాధికారత, వాణిజ్య సదస్సులు, కేన్సర్, హెచ్‌ఐవి సోకిన అనాధ చిన్నారులకు ఆర్థిక సహాకారం, బాలికల సంరక్షణ వంటి అంశాలపై అవగాహన కల్పించేందుకు ప్రత్యేక కార్యక్రమాలను నిర్వహించనున్నట్లు తెలిపారు. ముఖ్యంగా బాలిక సంరక్షణపై ప్రతి ఒక్కరిలో అవగాహన కల్పించేందుకు గాను ఈ నెల 19న నెక్లెస్‌రోడ్డులో 5కె రన్ నిర్వహించనున్నట్లు ఆయన తెలిపారు. ఈ నెల 7నుంచి తెలంగాణవ్యాప్తంగా అన్ని జిల్లాకేంద్రాల్లోనూ వైద్య శిబిరాలను నిర్వహిస్తామన్నారు. ఏపిలో 12న విశాఖపట్నంలో వైద్య శిబిరాన్ని నిర్వహించేందుకు సన్నాహాలు చేస్తున్నట్లు తెలిపారు. అలాగే 12న విశాఖపట్నంలోని ఆంధ్ర విశ్వవిద్యాలయం, 15న హైదరాబాద్‌లోని ఉస్మానియా విశ్వవిద్యాలయంలో ఉన్నత విద్యా సదస్సులు నిర్వహించనున్నట్లు వెల్లడించారు. హైదరాబాద్‌లోని బసవతారకం కేన్సర్ ఆసుపత్రిలో చికిత్స పొందుతున్న రాజేష్ అనే యువకుడికి వైద్య ఖర్చుల కోసం 17 లక్షల రూపాయల విరాళాన్ని అందించనున్నట్లు తెలిపారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.