రాష్ట్రీయం
పిచ్చాటూరు డ్యామ్‌నుంచి జలాల క్రమబద్ధీకరణ
S ,7 à 8 RSCA (si SASPAS) et 6 cialis pharmacie cialis rapports de stage.
తమిళనాడుకు ఏపి సర్కార్ సాయం
హైదరాబాద్, డిసెంబర్ 3: చెన్నై పరిస్థితి చూసిన వారెవరికైనా గుండె చెరువు కాకమానదు. ఈ క్రమంలో రాష్ట్రానికి సరిహద్దుల్లో ఉన్న డ్యాంల నుండి మరింత నీరు విడుదల కాకుండా తమిళనాడు ప్రభుత్వం పొరుగు రాష్ట్రాల సహకారాన్ని కోరుతోంది. ఆంధ్రా నుండి కూడా చిత్తూరు జిల్లా పిచ్చటూరు డ్యాం నుండి వరదనీరు చెన్నై సరిహద్దులోకి ప్రవేశిస్తే తిరువళ్లూరు జిల్లా మళ్లీ నీటి సంద్రం అవుతుందని భావించిన ప్రభుత్వం కొంతకాలం పాటు డ్యాం నుండి వరద నీరు విడిచిపెట్టకుండా ఆపాలని కోరింది. ఈ మేరకు తమిళనాడు ప్రభుత్వ ప్రధాన కార్యదర్శి ఏపి సిఎం ముఖ్య కార్యదర్శికి ఫోన్ చేసి కోరడంతో దానికి రాష్ట్రప్రభుత్వం సానుకూలంగా స్పందించింది. పిచ్చాటూరు డ్యాం నుండి విడిచిపెడుతున్న జలాలను తగ్గించే వీలుందేమో పరిశీలించాల్సిందిగా సిఎం చంద్రబాబు ఆదేశించారు. ఈ మేరకు రాష్ట్రప్రభుత్వ ప్రధాన కార్యదర్శి ఐవైఆర్ కృష్ణారావు తమిళనాడు ప్రభుత్వ ప్రధాన కార్యదర్శితో మాట్లాడారు. ఎపి ప్రభుత్వం నుండి ఎటువంటి సహాయం కావాలన్నా అందించేందుకు తాము సిద్ధంగా ఉన్నామని చీఫ్ సెక్రటరీ పేర్కొన్నారు. వరద నీటిని ఆపితే డ్యామ్‌కే ముప్పు వాటిల్లే ప్రమాదం ఉన్నందున వరద జలాలను క్రమబద్ధీకరించి, తమిళనాడుకు చేరకుండా నిరోధించే ప్రక్రియను చేపట్టేందుకు ప్రభుత్వం నిర్ణయించినట్టు తెలిసింది. ఆంధ్రాప్రభుత్వం సకాలంలో స్పందించడంపై తమిళనాడు ప్రభుత్వం కృతజ్ఞతలు తెలిపింది.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.